ჯანდაცვის მინისტრის მოადგილის, თამარ გაბუნიას განცხადებით, იმისათვის, რომ ღამით დაწესებული გადაადგილების შეზღუდვა მოიხსნას, „უნდა ვნახოთ ეპიდემიის მეტად სტაბილური და აქტიური კლება“.

„ჯერჯერობით უნდა დავაკვირდეთ ეპიდემიურ სიტუაციას. რა თქმა უნდა, ამ საკითხზე მუშაობა მიმდინარეობს. შევხედავთ მომდევნო ორი კვირის განმავლობაში ეპიდემიური სურათი როგორ განვითარდება. ამასთან ერთად, როგორც ვხედავთ, იმატებს ვაქცინირებულების რაოდენობაც და ეს ბალანსი მოგვცემს იმ გადაწყვეტილების მიღების საშუალებას, რამდენად გვექნება რესურსი ამით შეზღუდვის მოხსნის. ჯერჯერობით ამ თვეში მაინც სიფრთხილე გვმართებს, რადგან ვხედავთ დღეს 1000-ზე მეტი შემთხვევა გვაქვს. უნდა ვნახოთ ეპიდემიის მეტად სტაბილური და აქტიური კლება“, - აცხადებს გაბუნია.