მარიამ ქვრივიშვილი ავიაციის სექტორის წარმომადგენლებს შეხვდა

ეკონომიკისა და მდგრადი განვითარების მინისტრის მოადგილე მარიამ ქვრივიშვილი ავიაციის სექტორის წარმომადგენლებს შეხვდა. ამის შესახებ ეკონომიკის სამინისტრო ავრცელებს.

მათივე ცნობით, შეხვედრა საქართველოს სავაჭრო-სამრეწველო პალატის ავიაციის კომიტეტის ორგანიზებით გაიმართა და მასში ავიაციის კომიტეტის 60-მდე წევრი კომპანიის წარმომადგენელი მონაწილეობდა.

“შეხვედრას ასევე ესწრებოდნენ სავაჭრო-სამრეწველო პალატის პრეზიდენტი გიორგი პერტაია, კომიტეტის თავმჯდომარე გიორგი მოლოდინაშვილი, სამოქალაქო ავიაციის სააგენტოს დირექტორი ლევან კარანაძე და აეროპორტების გაერთიანების დირექტორი თამარ არჩუაძე.

შეხვედრაზე განიხილეს ინდუსტრიის წინაშე კოვიდპანდემიის შედეგად არსებული გამოწვევები და ისეთი პრიორიტეტული საკითხები, როგორიცაა ავიაციის სექტორში დასაქმებულთა ვაქცინაცია, საავიაციო სტრატეგიის შექმნა, პოსტპანდემიური ეფექტური საკომუნიკაციო მექანიზმის შემუშავება, კერძო-საჯარო თანამშრომლობის გაღრმავების შესაძლებლობები და სხვა”, - აღნიშნულია ინფორმაციაში.

ამასთან, შეხვედრაზე ხაზი გაესვა, რომ ავიაციის სექტორი, რომელიც კოვიდ 19-ის პანდემიის შედეგად ერთ-ერთი ყველაზე მეტად დაზარალებული სექტორია, აქტიურ გამოცოცხლებას იწყებს და ამ მხრივ დადებითი დინამიკა შეინიშნება.

როგორც შეხვედრის დასრულების შემდეგ ეკონომიკისა და მდგრადი განვითარების მინისტრის მოადგილე მარიამ ქვრივიშვილმა განაცხადა, ავიაციის სექტორთან მჭიდრო თანამშრომლობა, მათ შორის ახალი მიმართულებების კუთხით, ინტენსიურად გაგრძელდება.

„მისასალმებელია, რომ ავიაციის სექტორი თავადაც აღნიშნავს იმ დადებით დინამიკას, რაც აისახება ციფრებში - დღეისთვის უკვე აღდგენილია ავიარეისების 2019 წლის ნიშნულის 55%. რა თქმა უნდა, შევთანხმდით, რომ გავაგრძელებთ მჭიდრო თანამშრომლობას კერძო სექტორთან, მათ შორის ახალი მიმართულებებით, როგორიცაა ავიაციის სექტორში დასაქმებული პირების ვაქცინაცია, ავიაციის ინდუსტრიის სამოქმედო გეგმისა და სტრატეგიის შემუშავება, ასევე ინდუსტრიაში ჩართული კომპანიების ხელშეწყობა, რათა კიდევ უფრო სწრაფად და მდგრადად მოხდეს ჩვენს ქვეყანაში ავიაციის სექტორის გაძლიერება, რაც, პირველ რიგში, ხელს შეუწყობს ტრანსპორტისა და ტურიზმის დარგის განვითარებას“, - განაცხადა მარიამ ქვრივიშვილმა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს