ვახტანგ მეგრელიშვილი - ამ ქვეყანაში უფრო მეტია ოჯახი, ვისაც ბავშვის აყვანა უნდა, ხოლო სახელმწიფო შუაში დგას იმ ადამიანებს შორის ვინც საკუთარ შვილებს ვერ უვლის და  ვისაც ამ ბავშვების აყვანა უნდა

ამ ქვეყანაში უფრო მეტია ოჯახი, ვისაც ბავშვის აყვანა და გაზრდა უნდა, ხოლო სახელმწიფო შუაში დგას იმ ადამიანებს შორის ვინც საკუთარ შვილებს ვერ უვლის და ვისაც ამ ბავშვების აყვანა უნდა - ეს არის პრობლემა, - აღნიშნული განცხადება პარლამენტის პლენარულ სხდომაზე „გირჩის“ დეპუტატმა ვახტანგ მეგრელიშვილმა გააკეთა.

მეგრელიშვილმა დღეს წინა მოწვევის პარლამენტის მიერ მიღებულ „ბავშვთა უფლებების კოდექსზეც“ ისაუბრა. როგორც მეგრელიშვილმა განმარტა, „ბავშვთა უფლებების კოდექსთან“ დაკავშირებით აწუხებს ის, რომ აკრძალულია ბავშვის მშობლის ან კანონიერი წარმომადგენლის გარეშე ყოფნა ინტერნეტსალონსა და კაფეში, 22:00 საათიდან. მეგრელიშვილის თქმით, კანონის ეს ნაჩაწერი იმას ნიშნავს, რომ „იაგო და სანდრო მის შვილებს ვერც ინტერნეტ სალონში და ვერც კინოში ვერ წაიყვანენ, რადგან ამისთვის 1000-ლარიან ჯარიმას გამოუწერენ“.

„მინდა ნინოწმინდის ბავშვთა სახლზე და მასთან დაკავშირებულ სკანდალზე გამოვთქვა აზრი. დღეს ყველა დამნაშავეს ეძებს. ვინ არის დამნაშავე? - შეიძლება დამნაშავეა სპირიდონი, შეიძლება დამნაშვე არიან მშობლები, ვინც იქ ბავშვები მიაბარეს, შეიძლება - სახელმწიფო ან სახალხო დამცველი. ყველას ექნება ბრალის და რაღაც დამსახურების თავისი წილი, რაც უსამართლოდ არის იგნორირებული.

დისკუსია ბევრად უფრო ღრმაა, ვიდრე დღეს დამნაშავის ძებნა. მაგალითად, რას ნიშნავს ადამიანის სიცოცხლის უფლება? - ეს ნიშნავს იმას, რომ არავის აქვს ჩემი მოკვლის უფლება. რას ნიშნავს ადამიანის თავისუფლება? - ეს ნიშნავს, რომ არავის აქვს ჩემი დატყვევების უფლება. საკუთრების უფლება ნიშნავს, რომ ჩემს სახლში ჩემი ნებართვის გარეშე ვერავინ შემოვა და იქ ვერ დაიწყებს ცხოვრებას. პრობლემა იწყება მაშინ, როცა ადამიანებს ჯგუფებად, სხვადასხვა ჯგუფის წარმომადგენლებად ვუყურებთ: - ბავშვებად, ქალებად... კვოტის თემაც ხომ იგივე თემაა და აქედან ვიქმნით მათზე წარმოდგენას. ამას იდენტობის პოლიტიკა ჰქვია და დასავლეთის სამყაროსთვის დიდი პრობლემაა. იდენტობის პოლიტიკა ჰქვია ადამიანის დაყოფას ჯგუფებად: - ქალებად, ბავშვებად, ლგბტ თემის წარმომადგენლებად, რელიგიურ და ეთნიკურ ჯგუფებად, ღარიბებად და შეძლებულებად. რისთვის? - იმისთვის, რომ მერე სახელმწიფომ მათი უფლებები გამოიგონოს და შემდეგ შექმნას ბიუროკრატია, რომელიც ამ ჯგუფებს მათი უფლებების შესაბამისი საჩუქრების დარიგებაში დაეხმარება“, - განაცხადა ვახტანგ მეგრელიშვილმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში