მამუკა ხაზარაძე უმრავლესობას - მოღალატეობრივი შეფასება გახარიასი უნდა გაგეკეთებინათ მაშინ, როცა მან ქვეყნის ყველაზე დიდი სტრატეგიული პროექტი - ანაკლიის პორტი ჩააგდო

მოღალატეობრივი შეფასება ამ ადამიანის უნდა გაგეკეთებინათ მაშინ, როდესაც მან ჩვენი ქვეყნის ყველაზე დიდი სტრატეგიული პროექტი - ანაკლიის პორტი ჩააგდო. ამას არ ვლაპარაკობ პოლიტიკური განცხადების გამო, ფაქტებით და მტკიცებულებებით გაგიმყარებთ, რომ ეს იყო დივერსია ჩვენი ქვეყნის მიმართ, - ასე გამოეხმაურა „ლელოს“ ლიდერი, მამუკა ხაზარაძე პარლამენტის საგაზაფხულო სესიის პლენარული სხდომაზე უმრავლესობის წარმომადგენლების მხრიდან ყოფილი პრემიერ-მინისტრი გიორგი გახარიას მისამართით გაკეთებულ განცხადებებს.

როგორც ხაზარაძემ აღნიშნა, უკვე ერთი თვეა პარლამენტშია და უმრავლესობის არცერთ წევრს კითხვაც კი არ დაუსვამს „რეალურად რა მოხდა და რატომ გაჩერდა ამხელა პროექტი“.

„აშშ-ს ინიციატივით საქართველოს გამოეყო დამატებითი ვაქცინები, თუმცა ჩვენს მხარეს სიტუაცია არის დრამატული. არის სავალალო მენეჯმენტი ვაქცინაციის მიმართულებით საქართველოში, რაც ნიშნავს, რომ თუ უფრო გაიწელება ეს მდგომარეობა უფრო გვიან გაიხსნება ეკონომიკა. სწორედ ის მენეჯმენტია უსუსური, რომლის პირველი პირიც თქვენ მიერ შერაცხული იქნა ყველაზე ძლიერ კრიზის მენეჯერად. გუშინ ჩვენ მოვისმინეთ თქვენი არაფორმალური თავმჯდომარის შეფასება გიორგი გახარიას მიმართ, რომ იგი არის მოღალატე. მე არ ვერევი თქვენ ეპითეტებში, მაგრამ როგორ პასუხისმგებლობას იღებთ 2020 წლის იმ ბიუჯეტზე, რომელიც პრაქტიკულად ჩავარდნილია და ყველა პარამეტრით გასულია ნორმებიდან. მოღალატეობრივი შეფასება ამ ადამიანის უნდა გაგეკეთებინათ მაშინ, როდესაც მან ჩვენი ქვეყნის ყველაზე დიდი სტრატეგიული პროექტი - ანაკლიის პორტი ჩააგდო. მე ამას არ ვლაპარაკობ პოლიტიკური განცხადების გამო, ამას ფაქტებით და მტკიცებულებებით გაგიმყარებთ, რომ ეს იყო დივერსია ჩვენი ქვეყნის მიმართ. უკვე ერთი თვეა პარლამენტში ვარ მოსული და არცერთ თქვენგანს კითხვაც კი არ დაგისვამთ რეალურად რა მოხდა და რატომ გაჩერდა ამხელა პროექტი. იქნებ მოგესმინათ ყოველგვარი პოლიტიკის გარეშე, რომ გარკვეულიყავით რა მოხდა, შემდეგ შეგეძლოთ დამთანხმებულიყავით ან არა“, - აღნიშნა მამუკა ხაზარაძემ.

მან უმრავლესობის წევრებს პარლამენტში ინტერპარტიული ეკონომიკური ჯგუფის შექმნისკენ მოუწოდა, რომელიც ქვეყანაში „კონკრეტულ ნაბიჯებს დადებს“.

,,თქვენ ინიციატივით გამოხვედით ნატოსთან მიმართებაში, რასაც ჩვენ მხარი დავუჭირეთ. ეს არის ქვეყნის მუდმივი სტრატეგიული ინტერესი, დავინახე, რომ „ქართულ ოცნებას“ არ აქვს გეგმა ამ ქვეყნის კრიზისიდან გამოყვანის, შემოვდივარ წინადადებით, რომ შეიქმნას პარლამენტის ინტერპარტიული ეკონომიკური ჯგუფი, რომელიც დადებს ამ ქვეყანაში კონკრეტულ ნაბიჯებს, როგორ გამოვიდეთ ამ მდგომარეობიდან. ჩვენ ყოველგვარი პოლიტიკის და თავდასხმის გარეშე გვექნება ეკონომიკური მიმართულება, რომელსაც დაეთანხმება ყველა. ამ კინკლაობაში დავიწყებულია ხალხი, რომელიც ღატაკდება. საქმეზე არავინ არ საუბრობს, ამიტომ მოგიწოდებთ, რომ ასეთი კომისია შეიქმნას“, - აღნიშნა მამუკა ხაზარაძემ.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის