გივი მიქანაძე - მიუხედავად იმისა, რომ რადიკალური ოპოზიციის წისქვილზე წყლის დასხმა იყო ყოფილი პრემიერის გადადგომა, ვერც „ნაცმოძრაობამ“ შეძლო ხელისუფლების რევოლუციური გზით დაბრუნების  სცენარის განხორციელება

მიუხედავად იმისა, რომ რადიკალური ოპოზიციის წისქვილზე წყლის დასხმა იყო ყოფილი პრემიერის გადადგომა, ვერც „ნაციონალურმა მოძრაობამ“ და მასთან ასოცირებულმა განშტოებებმა შეძლეს ხელისუფლების რევოლუციური გზით დაბრუნების ყველა წინასწარ დადგმული სცენარის განხორციელება, - ამის შესახებ უმრავლესობის წევრმა გივი მიქანაძემ პარლამენტის პლენარულ სხდომაზე განაცხადა.

ამასთან, მან ისაუბრა 2020 წლის არჩევნებთან დაკავშირებით პარლამენტში შექმნილ დროებითი საგამოძიებო კომისიაზე და აღნიშნა, რომ კომისიამ მაქსიმალური ღიაობით და ნეიტრალურობის დაცვით განახორციელა ყველაზე პრობლემური საარჩევნო უბნების იდენტიფიცირება. ამასთან, მიქანაძის თქმით, მცირე ტექნიკური ხარვეზების გარდა არსებითი პრობლემა არ გამოკვეთილა, რასაც შეეძლო გავლენა მოეხდინა არჩევნების საბოლოო შედეგებზე.

მისვე განმარტებით, ოპოზიცია გაურბის პასუხისმგებლობას და საზოგადოების წინაშე კომისიის მუშაობაში მონაწილეობის მხრივ თავის არიდებას ამართლებს კომისიისადმი უსაფუძვლო უნდობლობით.

„ნაციონალური მოძრაობა“, რომელიც დღემდე არ აწერს ხელს შარლ მიშელის დოკუმენტს შემოვიდა პარლამენტში, რომლის ლეგიტიმურობასაც 7 თვის განმავლობაში ეჭვქვეშ აყენებდა. მთელი საზოგადოება საბოლოოდ დარწმუნდა ვინ არ აწერდა ხელს ჯერ კრისტიან დანიელსონის, შემდეგ შარლ მიშელის ინიცირებულ დოკუმენტებს, ვის არ უნდოდა მოლაპრაკებების წარმატებით დასრულება და ვინ მოქმედებდა ქვეყნის ინტერესების საზიანოდ. მიუხედავად იმისა, რომ რადიკალური ოპოზიციის წისქვილზე წყლის დასხმა იყო ყოფილი პრემიერის გადადგომა, ვერც „ნაციონალურმა მოძრაობამ“ და მასთან ასოცირებულმა განშტოებებმა შეძლეს ხელისუფლების რევოლუციური გზით დაბრუნების ყველა წინასწარ დადგმული სცენარის განხორციელება, ისევე, როგორც ყოფილი პრემიერის მცდელობა დაერწმუნებინა საზოგადოება, რომ არის „ოცნება 2 პროექტი“ წარუმატებელი და ჩანასახშივე განწირული აღმოჩნდა. „ნაციონალურ მოძრაობას“ კი, მინდა ვუთხრა, მიუხედავად იმისა, რომ არ მობრძანდნენ, მიუხედავად იმისა, რომ საჯაროდ უარი განაცხადეთ დასავლურ ღირებულებებზე, მაინც მოგიწევთ შარლ მიშელის დოკუმენტზე ხელის მოწერა. სხვა შემთხვევაში, ისედაც შემცირებული მხარდამჭერთა რიცხვი როგორც ქვეყნის შიგნით, ისე გარეთ დღითიდღე შეგიმცირდებათ, რისი თვალსაჩინო შედეგი შემოდგომის არჩევნები იქნება“, - აცხადებს მიქანაძე.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის