ფრიდონ ინჯია - ჩვენ დარწმუნებული ვიყავით, რომ 31 ოქტომბრის არჩევნები გაყალბებული არ იყო

„ევროპელი სოციალისტების“ პოლიტიკური ჯგუფის წევრი, ფრიდონ ინჯია მიიჩნევს, რომ 31 ოქტომბრის არჩევნები, მიუხედავად მცირე ხარვეზებისა, არ გაყალბებულა და ყველა პოლიტიკურმა პარტიამ იმდენი ხმა მიიღო, რამდენი ამომრჩეველიც ყავდა.

მისივე განცხადებით, აღნიშნული გარემოება პარლამენტის დროებითი საგამოძიებო კომისიის მუშაობის პროცესშიც დადასტურდა.

„ჩემი კოლეგებისგან განცხადებები გაკეთდა თუ როგორ ელოდებიან „ნაციონალურ მოძრაობას“ და იმ პარტიებს, რომლებიც 7 თვის განმავლობაში მონაწილეობას არ იღებდნენ პარლამენტის მუშაობაში. მათ მიერ მხოლოდ ერთი მიზეზი იყო გაცხადებული - 31 ოქტომბრის საპარლამენტო არჩევნები გაყალბებული იყო. როცა ჩვენ შემოვედით დარწმუნებული ვიყავით, რომ 31 ოქტომბრის არჩევნები არ გაყალბებულა, იყო ხარვეზები, მაგრამ ეს იმდენად უმნიშვნელო იყო, რომ არჩევნების გაყალბებად არ შეგვეძლო ჩაგვეთვალა. ყველა პარტიამ მიიღო იმდენი ხმა, რამდენიც მისმა ამომრჩეველმა მისცა და ეს პარლამენტის დროებითი საგამოძიებო კომისიის მუშაობის პროცესშიც დადასტურდა“, - განაცხადა ფრიდონ ინჯიამ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო