ამნისტიის კანონის განხილვა გადადეს, სავარაუდოდ, ძალიან შეეშინდა ბატონ ოხანაშვილს, ნიკა მელიას პირველი გამოსვლა პლენარულ სხდომაზე სწორედ ამნისტიის კანონზე იქნებოდა“, - ამის შესახებ „ნაციონალური მოძრაობის“ ერთ-ერთმა ლიდერმა თინა ბოკუჩავამ პარლამენტში ჟურნალისტებთან საუბრისას განაცხადა.

როგორც ბოკუჩავა აღნიშნავს, ნიკა მელია მთავარ განაცხადს გააკეთებს პარტიის გეგმებთან დაკავშირებით, როგორ ხედავს „ერთიანი ნაციონალური მოძრაობა“ საკუთარ ფუნქციას პარლამენტში.

„ამნისტიის კანონის განხილვა გადადეს, სავარაუდოდ, ძალიან შეეშინდა ბატონ ოხანაშვილს, ნიკა მელიას პირველი გამოსვლა პლენარულ სხდომაზე სწორედ ამნისტიის კანონზე იქნებოდა. გასაგებია ეს ყველაფერი, ისინი ფორმალურად უმრავლესობაში არიან, გამოიყენეს ეს და შეცვალეს დღის წესრიგი, მაგრამ არა უშავს, პოლიტიკური გამოსვლის შესაძლებლობა, რა თქმა უნდა, გვექნება.

ნიკა მელია მთავარ განაცხადს გააკეთებს, თუ რა გეგმები აქვს, როგორ ხედავს „ერთიანი ნაციონალური მოძრაობა“ საკუთარ ფუნქციას ამ პარლამენტში. მე ვთვლი, რომ „ერთიანი ნაციონალური მოძრაობის“ მთავარი ამოცანა ამ პარლამენტში უნდა იყოს ის, რომ მოვამზადოთ საკანონმდებლო ჩარჩო ვადამდელი საპარლამენტო არჩევნებისთვის, აქ უმნიშვნელოვანესია მართლმსაჯულების რეფორმა“,-აღნიშნავს ბოკუჩავა.