ირაკლი ჩიქოვანი - არ მივესალმები იმას, რომ 6 თვის განმავლობაში „ნაციონალურმა მოძრაობამ“ ოპოზიცია ყურით ატარა  და საკუთარი დღის წესრიგის მძევლებად გახადა

„ძალიან ბევრი საუბარი მოვისმინე იმაზე, თუ როგორ მიესალმებიან ჩვენი ოპოზიციონერი კოლეგები „ნაციონალური მოძრაობის“ პარლამენტში შემოსვლას, მაგრამ მე არ მივესალმები იმას, რომ ექვსი თვის განმავლობაში „ნაციონალურმა მოძრაობამ“ ოპოზიცია ყურით ატარა და საკუთარი დღის წესრიგის მძევლებად გახადა“, - განაცხადა პარლამენტის პლენარულ სხდომაზე უმრავლესობის წევრმა ირაკლი ჩიქოვანმა.

მისი თქმით, მმართველმა გუნდმა მზაობა გამოხატა და თანამშრომლობს ყველასთან და ასევე თანამშრომლობისკენ მოუწოდა ოპოზიციას.

„შარლ მიშელის დოკუმენტს ხელი უნდა მოაწეროს ყველა ოპოზიციურმა ძალამ, დაიცვან ის და იმუშაონ ყველასთან ერთად საქართველოს პარლამენტში. ეს არის ის სულისკვეთება, რომელზეც საუბრობს შარლ მიშელის დოკუმენტი და საუბრობს ყველა ჩვენი პარტნიორი. ვსაუბრობთ იმაზე, რომ ჩვენ ვითანამშრომლოთ ერთმანეთთან. დიახ ვითანამშრომლებთ ერთმანეთთან და ამისთვის მზაობა გამოვხატეთ, მაგრამ ითანამშრომლეთ ისე რომ თქვენც გქონდეთ კონკრეტული წინადადებები. შარლ მიშელის დოკუმენტის შესრულების პასუხისმგებლობა თქვენი წარმოდგენით, სამწუხაროდ, მხოლოდ და მხოლოდ ხელისუფლებაზეა. ეს ასე არ არის. არ შეიძლება და ვერ მოხდება ისე, რომ მხოლოდ და მხოლოდ ცალ კარში ითამაშოთ. თქვენც გჭირდებათ პასუხისმგებლობის აღება და მნიშვნელოვანი რეფორმები ერთად უნდა გავატაროთ. ამ თანამონაწილეობაში ვგულისხმობთ იმას, რომ თქვენც მიიღოთ მონაწილეობა კონკრეტული საკითხების გადაწყვეტილებაში არა ბელეტრისტიკით არამედ რეალურად საქმით“, - განაცხადა ირაკლი ჩიქოვანმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში