ირაკლი ზარქუა „ნაციონალურ მოძრაობაზე“ - მათი  დისკომფორტი არ გაიშვას, უპრინციპოები

იყვნენ კუთხეში თავჩაღუნულები და მოისმინონ მწარე სიმართლე ყოველთვის, - ამის შესახებ ფრაქცია „ქართული ოცნების“ წევრმა, ირაკლი ზარქუამ „ნაციონალური მოძრაობის“ პარლამენტში შესვლასთან დაკავშირებით ჟურნალისტებს განუცხადა.

როგორც მან აღნიშნა, „ქართული ოცნება“ „ნაციონალურ მოძრაობას“ არც ერთ უსამართლობას არ „გაუტარებს“ და ყოველთვის არგუმენტირებულ პასუხს გასცემს.

„პირადად მივესალმები, ოღონც რაიმე საქმიანი განცხადება ჰქონდეთ, მთელი ამ 7 თვის განმავლობაში რომ დარბოდნენ გარეთ, ახლა ხომ მიხვდნენ, რომ სულ ფუჭი იყო, ხომ მიხვდნენ ახლა რომ სულ ტყუილად, მაინც ხომ მოუწიათ აქ შემოსვლა და ამ სიმართლის მოსმენა. ასე გავაგრძელებთ მომავალშიც, თუ ვინმე ჭკვიანურს იტყვის, მზად ვართ მოვისმინოთ, მათ შორის ბიუჯეტის თემაზე, მათ შორის სამართლიან სასამართლოზე, საარჩევნო კანონმდებლობაზე და ა.შ. მიშელის დოკუმენტს ხელს არ ვაწერთო, იმ დოკუმენტის საფუძველზე არიან, ახლა თითქოს რომ ჰქონიათ ლეგიტიმაცია მიიღეს და მას ხელს არ აწერენ?! მაშინ რისთვის შემოვიდნენ? შეგახსენებთ, იქ წერია სააარჩევნო რეფორმაზე, სასამართლო რეფორმაზე, როგორ ავირჩიოთ მთავარი პროკურორი, საარჩევნო სისტემის ხელმძღვანელი. თუ ესეც არ აინტერესებთ, მაშინ ხელფასებისთვის, თანამდებობისთვის შემოდიან? მათი დისკომფორტი არ გაიშვას, უპრინციპოები, ყოველგვარ არგუმენტს მოკლებულები, შემოვიდნენ ახლა აქ და დასხდებიან. აქ ახლა დახვდებათ ყოველთვის არგუმენტირებული პასუხი, ვინც რაც არ უნდა თქვას, უსამართლობას არ გავუტარებთ. კი ბატონო, იყვნენ კუთხეში თავჩაღუნულები და მოისმინონ მწარე სიმართლე ყოველთვის, რასაც ამ 7 თვის განმავლობაში ჩვენ და მტელი ევროპა ეუბნებოდა“, - განაცხადა ზარქუამ.

ცნობისთვის, „ნაციონალურმა მოძრაობამ“ პარლამენტში შესვლის გადაწყვეტილება მიიღო, თუმცა, მედიატორ შარლ მიშელის მიერ შემოთავაზებულ დოკუმენტს ხელს არ აწერს.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში