ნიკა მელია - დადასტურდა, რომ პარლამენტს არ ჰყავს არც თავმჯდომარე, არც არანაირი სუვერენული და ლეგიტიმური პირი „ქართული ოცნების“ მხრიდან

თუ ხვალაც არ გადადეს და ენითაღუწერელი პრეცედენტი, რომელიც დღეს დაუშვეს, კვლავ არ გაიმეორეს, ხვალ მომეცემა შესაძლებლობა?! ხვალ მოვალ. ხვალაც თუ გადადეს?! ზეგ მოვალ, ზეგ თუ არ იქნება - მაზეგ მოვალ, მაზეგ თუ არ იქნება, იმის შემდეგ,- ამის შესახებ „ნაციონალური მოძრაობის“ თავმჯდომარემ ნიკა მელიამ ჟურნალისტებს განუცხადა.

როგორც ის აღნიშნავს, დღეს დადასტურდა, რომ პარლამენტს არ ჰყავს არც თავმჯდომარე, არც სუვერენული და ლეგიტიმური პირი „ქართული ოცნების“ მხრიდან.

„დღეს ორი უმნიშვნელოვანესი კანონპროექტის განხილვაში უნდა მიგვეღო მონაწილეობა. ესენი იყო ამნისტიის კანონპროექტი და საარჩევნო კანონპროექტი. ორივე ჯერ მოხსნეს დღის წესრიგიდან და შემდეგ სხდომა დახურეს. ერთი რამ, რაც დღეს დადასტურდა, არის, რომ ამ პარლამენტს არ ჰყავს არც პარლამენტის თავმჯდომარე, არც არანაირი სუვერენული და ლეგიტიმური პირი „ქართული ოცნების“ მხრიდან. ეს არის თავიდან ბოლომდე ბიძინა ივანიშვილის მართული ხალხი, ამ ადამიანებს სჭირდებათ შველა, ისინი არიან ტყვეობაში. ჩემზე და თქვენზე კარგად იციან, რა არის რეალობა სახელმწიფოში. უბრალოდ, ისინი თავიანთ თავს უტყდებიან მაშინ, როდესაც საკუთარ თავთან ან ვიწრო წრეში რჩებიან მარტო. ჩემზე უფრო მკვეთრად აფიქსირებენ საკუთარ პოზიციებს ყველა მნიშვნელოვან საკითხზე, მაგრამ როდესაც მედიასთან გამოდიან, ცინიკური ღიმილი აქვთ. მაგრამ ეს იმას არ ნიშნავს, რომ "ქართულ ოცნებაში" არ არის ხალხი, რომელიც ვერ ხვდება, რომ ბიძინა ივანიშვილს ქვეყანა წაყვანილი ჰყავს უფსკრულისკენ და ძალიან ახლოს ვართ გადაჩეხვასთან. ამას ადგილი არ უნდა ჰქონდეს. ამისთვის ვართ დემოკრატიული ოპოზიცია, რომ სახელმწიფოს გადაჩეხვის შესაძლებლობა არ მივცეთ. ამიტომ მომდევნო ოთხი თვის განმავლობაში ძალიან საინტერესო პროცესები გელოდებათ“,- განაცხადა მელიამ.

შეგახსენებთ, რომ დღეს 20 ივნისის აქციასთან დაკავშირებით მომზადებულ “ამნისტიის პროექტი“ პარლამენტმა პლენარული სხდომის დღის წესრიგიდან მოხსნა. მეორე მოსმენით ჩანიშნული პროექტის განხილვის გადადების ინიციატივა ფრაქცია “ქართული ოცნების“ თავმჯდომარე მამუკა მდინარაძემ დასვა, რაც პროექტის ინიციატორმა ანრი ოხანაშვილმა გაიზიარა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!