კახა ოქრიაშვილი - ხვალ აუცილებლად მივდივართ სხდომაზე და პარლამენტში „ამნისტიის შესახებ“ კანონზე ვიწყებთ მუშაობას

სამწუთიანი რეჟიმია პოლიტიკური განცხადებებისთვის, თქვენ როგორ ფიქრობთ, 7 თვე ჩვენ ვიბრძოლეთ, რომ პოლიტიკური სივრცე შეგვეცვალა იმიტომ, რომ სამი წუთი მოგვცენ ?- ამის შესახებ „პროგრესი და თავისუფლების“ ლიდერმა, დეპუტატმა კახა ოქრიაშვილმა „პალიტრანიუსის“ გადაცემა „360 გრადუსში“ განაცხადა.

მისი განმარტებით, „ქართულ ოცნებას“ 15-წუთიანი რეგლამენტის შეეშინდა, რომელიც ნიკა მელიას, როგორც პარტიის თავმჯდომარეს, სიტყვის გამოსვლისთვის ეკუთვნოდა და პარლამენტიდან „გაიპარა“.

ამასთანავე, ოქრიაშვილმა აღნიშნა, რომ პარლამენტში სამუშაოდ ხვალაც მივლენ „ამნისტიის შესახებ" კანონზე დაიწყებენ მუშაობას.

„დღეს ცენტრალური საკითხი იყო "ამნისტიის შესახებ" კანონი და იქ ჩვენ უბრალო დეპუტატებს 3-წუთიანი რეჟიმი გვაქვს და ფრაქციის ან პარტიის ხელმძღვანელს 15-წუთიანი რეგლამენტი აქვთ და ამ 15 წუთის შეეშინდა „ქართულ ოცნებას“ და გაიპარა, ამაზეა საუბარი. როდემდე იქნება ეს ყველაფერი? ხვალ დადგება ეს საკითხი, ხვალ გამოვა მელია იმ თავისი 15-წუთიანი განცხადებებით, მათ შორის ამნისტიაზე, პირველ რიგში, ამნისტიაზე ისაუბრებს, იმიტომ, რომ მაგის გამო იჯდა ციხეში. ხვალ აუცილებლად მივდივართ სხდომაზე და „ამნისტიის შესახებ" კანონზე ჩვენ ვიწყებთ მუშაობას პარლამენტში. ჩვენ ორ საკითხზე ვიმუშავებთ იქ - ეს არის საარჩევნო თემა და ეს არის სასამართლო თემა. ამნისტია, სასამართლო და საარჩევნო თემა გადაბმულია ერთმანეთთან“,- განაცხადა კახა ოქრიაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს