ახლა, ხომ გასაგებია, რომ გიორგი გახარია ამ შემთხვევაში დაინტერესებულია ვითარება წარმოაჩინოს იმგვარად და შექმნას სურათი, რომლითაცშეეძლება პოლიტიკური დივიდენდები მიიღოს,- ასე აფასებს პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ პოლიტიკური მოძრაობა " საქართველოსთვის" თავმჯდომარის გიორგი გახარიას იმ განცხადებებს, რომელიც მან "ტვ პირველის" ეთერში გააკეთა.
მიხეილ სარჯველაძე მიიჩნევს, რომ გახარიას განცხადებებს არავითარი დამაჯერებლობა არ გააჩნია.
მისივე თქმით, გიორგი გახარიას განცხადებიდან არ დასტურდება, რომ ქვეყანაში არაფორმალური მმართველობაა.
„ახლა, ხომ გასაგებია, რომ ბატონი გიორგი ამ შემთხვევაში დაინტერესებულია ვითარება წარმოაჩინოს იმგვარად და შექმნას სურათი, რომლითაც შეეძლება პოლიტიკური დივიდენდები მიიღოს. ნამდვილად აღარ არის დამაჯერებელი ამ სიტუაციაში, მაგრამ ყველაზე მთავარი კითხვა, რომელიც ისმის არის ის, რომ თუ ის ამ პრობლემებს ამჩნევდა და ხედავდა, როდესაც ის იყო მთავარი ხელისუფალი, შეიძლება რომ ამ წუთას სანდო იყოს ის განმარტებები? მე მგონი, რომ არა. ვფიქრობ, რომ სერიოზულ განხილვას არ იმსახურებს", აცხადებს სარჯველაძე.