ხატია დეკანოიძე - თალაკვაძის და უმრავლესობის წევრების ნაცვლად დემოკრატიაზე ნამდვილად არ ვისაუბრებდი, მაშინ, როცა მსოფლიომ აღიარა, რომ საქართველოში პოლიტიკური მართლმსაჯულებაა

პოლიტიკური მართლმსაჯულების კუთხით, თქვენი გუნდის სახელით დემოკრატიაზე, მართლმსაჯულებაზე, ამნისტიაზე და ა.შ. მე ნამდვილად არ ვისაუბრებდი, მითუმეტეს, როდესაც გაათანაბრეთ ადამიანები, რომლებიც გავრილოვის წინააღმდეგ გამოვიდნენ პროცესში და ის ადამიანები, ვინც დაასახიჩრეს საქართველოს მოქალაქეები, - ამის შესახებ „ნაციონალური მოძრაობის“ ერთ-ერთმა ლიდერმა ხატია დეკანოიძემ პარლამენტის პლენარულ სხდომაზე უმრავლესობის მისამართით განაცხადა.

დეკანოიძემ უმრავლესობის წევრებს მიმართა და აღნიშნა, რომ 2013 წელს განხორციელებულ ამნისტიაში არავითარი დათქმები არ ყოფილა, ახლა შემუშავებული ამნისტიის კანონპროექტისგან განსხვავებით.

„ბატონი თალაკვაძის და უმრავლესობის წარმომადგენლების ნაცვლად ნამდვილად არ ვისაუბრებდი დემოკრატიაზე მაშინ, როდესაც მთელმა მსოფლიომ აღიარა, რომ საქართველოში არის პოლიტიკური მართლმსაჯულება. ნიკა მელიას დაკავების შემდეგ ძალიან კარგად გვახსოვს თქვენი პოლიტიკური გუნდის შეფასებები, როდესაც არასდროს ყოფილა საქართველოს საგარეო პოლიტიკური კურსის ნიშნულზე. ორჯერ დააჭირეთ აქ ხელი ღილაკს და პროკურატურას ნიკა მელიასთან დაკავშირებული მოთხოვნა დაუკმაყოფილეთ. ამიტომ ვერც ბატონი თალაკვაძე, ვერც ბატონი კობახიძე და უმრავლესობის ვერც ერთი წევრი „ნაციონალურ მოძრაობას“ ვერ განუსაზღვრავს თავის სტრატეგიას რაზე ვისაუბროთ და რაზე -არა. მოგწონთ თუ არა, ჩვენ წარმოვადგენთ მრავალათასიან ამომრჩევლებს და ესენი არიან ადამიანები, ვინც თქვენ დაყავით საზოგადოებაში და გამოარჩიეთ „სხვისი ამომრჩეველი“ და „ჩვენი ამომრჩეველი“. რაც შეეხება ამნისტიას, ბატონო ანრი, შეგახსენებთ, რომ თქვენი გუნდი 2013 წელს მოვიდა დიდი ამნისტიით, რომელშიც მოხვდნენ ადამიანები, რომლებიც სახელმწიფოს წინააღმდეგ მიდიოდნენ. მაშინ არავითარი დათქმა არ ჩაგიდიათ იმ დათქმის ნაცვლად, რომელიც თქვენ ახლა ჩადეთ პოლიტიკური ლიდერის, ჩვენი თავმჯდომარის მიმართ. ჩვენმა საერთაშორისო პარტნიორებმაც ძალიან კარგად იციან, რატომ არის ეს დათქმა ჩადებული. პოლიტიკური მართლმსაჯულების კუთხით, თქვენი გუნდის სახელით დემოკრატიაზე, მართლმსაჯულებაზე, ამნისტიაზე და ა.შ. მე ნამდვილად არ ვისაუბრებდი, მითუმეტეს, როდესაც გაათანაბრეთ ადამიანები, რომლებიც გავრილოვის წინააღმდეგ გამოვიდნენ პროცესში და ის ადამიანები, ვინც დაასახიჩრეს საქართველოს მოქალაქეები. ეს არის წინაპირობა, რისთვისაც თქვენ აქ ხართ“, - განაცხადა დეკანოიძემ.

გიორგი კაჭარავა - ყაზახეთში არსებული ვითარება ბევრ კითხვებს ბადებს, თუ რა სცენარით განვითარდება პროცესები, დასკვნების გაკეთება აშკარად ნაადრევია
მამუკა გამყრელიძე - მსოფლიოში  დაიწყო ახალი გადანაწილება,  არსებული შეთანხმებები და  ფორმატები  ეფექტურად ვეღარ მუშაობს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ავერსი სოციალურად დაუცველ პენსიონერს მერიის 500-ლარიანი ვაუჩერის პროგრამის ფარგლებში მოემსახურება ყოველდღე ფასდაკლებით და საჩუქრად გადასცემს 50-ლარიან სასაჩუქრე ბარათს
„მაგნიტში“ გრანდიოზული საიუბილეო გათამაშება დაიწყო
სილქფესტი სასაუბრო და ინტერნეტ პაკეტების ჩართვას სხვადასხვა პირობით გვთავაზობს
IONIQ 5-ისა და TUCSON-ის ჰოლივუდური დებიუტი ახალ სპაიდერმენში