ის პარტიები, რომელთა მიმართაც შეიძლება ამოქმედებულიყო ეს რეგულაციები, დღეს არის პარლამენტში, შესაბამისად, ის შიში რაც ჰქონდა ვენეციის კომისიას, სახეზე აღარ არის, - ამის შესახებ პარტია „ქართული ოცნების" თავმჯდომარე ირაკლი კობახიძემ ჟურნალისტებთან პარტიების დაფინანსებასთან დაკავშირებულ კანონპროექტზე საუბრისას განაცხადა.
მისი თქმით, პარტიებზე, რომლებიც პარლამენტში შევიდნენ, ეს კანონპროექტი ვერ გავრცელდება.
„ეს იყო სწორედ ვენეციის კომისიის რეკომენდაცია, რომ არსებულ მოცემულობას არ შეხებოდა ეს კანონი. აქედან გამომდინარე, ეს კანონი 2022 წლის თებერვალში ამოქმედდება. ჩვენ დაველოდეთ პარტიების შემოსვლას და ეს კანონი ამოქმედდება მას შემდეგ რაც ყველა პარტია იქნება პარლამენტში წარმოდგენილი,"- განაცხადა კობახიძემ.