საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) შპს „ბათუმის წყალის“ წარმომადგენლებთან შეხვედრა გაიმართა, სადაც კომპანიის განვითარების შესაძლებლობები განიხილეს.
სემეკის მხრიდან შეხვედრას სემეკის თავმჯდომარე, დავით ნარმანია და კომისიის წევრი, გიორგი ფანგანი ესწრებოდნენ.
სემეკის ინფორმაციით, შეხვედრაზე კომპანიის წარმომადგენლებს გააცნეს სემეკის ხედვები და პროგნოზები კომპანიის რეგულირების საკითხებთან დაკავშირებით. სამუშაო შეხვედრაზე შეთანხმდა სამომავლო გეგმა, რაც ხელს შეუწყობს შპს „ბათუმის წყალის“ შეუფერხებელ საქმიანობასა და მომხმარებელთა საიმედო და უწყვეტი წყალმომარაგებით უზრუნველყოფას.
მათივე ცნობით, შპს „ბათუმის წყალი“ ბათუმში ოპერირებს და 100 000-ზე მეტ მომხმარებელს უწევს მომსახურებას.