ნიკა მელია „ქართულ ოცნებას“ - რამდენიმე კვირის წინ, მთელი აპოლოგია გქონდათ მიძღვნილი გახარიასადმი, დღეს პოლიტიკურ მიწაში დებთ - იძულებული რომ არ გამეხადა გადამდგარიყო, ხმას ამოიღებდით?

გიორგი გახარია დღესაც რომ ყოფილიყო თქვენი პრემიერ-მინისტრი, იძულებული რომ არ გამეხადა, 17 თებერვალს გადამდგარიყო, ნებისმიერ თქვენგანი ხმას ამოიღებდით? - როცა გიყურებთ მრჩება შთაბეჭდილება, რომ თქვენი თავის არსებობისაც კი არ გჯერათ, - ასე მიმართა „ნაციონალური მოძრაობის“ თავმჯდომარე ნიკა მელიამ პარლამენტში საგაზაფხულო სესიის პლენარული სხდომაზე მმართველ გუნდს.

როგორც ნიკა მელიამ აღნიშნა, საპარლამენტო უმრავლესობა დღეს ყოფილ პრემიერს გიორგი გახარიას პასკვილებს უძღვნის, როდესაც რამდენიმე კვირის წინ „აპოლოგია ჰქონდათ მიძღვნილი“

„ ამ პარლამენტში რამდენჯერმე მომეცა მწვავე, პოლიტიკური დებატების შესაძლებლობა თქვენს უახლოეს მეგობართან. ძალიან კარგად მახსოვს წინა მოწვევის პარლამენტში, სანამ იმუნიტეტს შემიჩერებდით, როგორ გამალებით იცავდით, ფიზიკურ დაპირისპირებასაც კი არ ერიდებოდით ჩემთან, ბატონი გახარიას გამო. სულ რამდენიმე კვირის წინ, მთელი აპოლოგია გქონდათ მიძღვნილი გახარიასადმი. დღეს რას აკეთებთ?! დღეს პასკვილებს უძღვნით, მას პოლიტიკურ მიწაში დებთ, აბრალებთ ყველაფერს, რასაც აბრალებთ ნებისმიერს, ვინც თქვენ უმსგავსოებას აპროტესტებს. ცალკე საკითხია, ის რაც თქვენმა ტელეკომპანია „იმედმა“ მიუძღვნა, გამოჩნდა, რომ რამხელა ნეპოტისტური ქსელი ჰქონია ამ ადამიანს.

კითხვა მაქვს, ის რომ დღესაც ყოფილიყო თქვენი პრემიერ-მინისტრი, იძულებული რომ არ გამეხადა ის მე 17 თებერვალს გადამდგარიყო, ნებისმიერ თქვენგანი ხმას ამოიღებდით? ნებისმიერი თქვენგანი ტაშს დაუკრავდით ამ ადამიანს. ეს არის თქვენი რეალური პოლიტიკური სახე, არ მიიღოთ ეს შეურაცხმყოფელად, არ მინდა ტყუილი გაკადროთ, როცა გიყურებთ მრჩება შთაბეჭდილება, რომ თქვენი თავის არსებობისაც კი იგივე გააკეთეთ აბა, ბატონ კობახიძესთან დაკავშირებით. ჯერ სუს-ს დაავალეთ, შემდეგ „იმედმა“ მოამზადოს სიუჟეტი და ანალოგიური გამოვა, რაც გახარიას გუშინ მიუძღვენით.

თქვენ ხართ ადამიანები, რომლებიც შემთხვევით, დროებით, გამართლებით აღმოჩნდით ხელისუფლებაში, წარმოადგენთ კლეპტოკრატ ადამიანთა ჯგუფს, რომელიც მხოლოდ საკუთარ კეთილდღეობას ემსახურება“, - აღნიშნავს მელია.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!