ნიკა მელია - ზარქუა ტრაგიკული მოვლენაა ამ პარლამენტში - ჰგონია, იმდენად გაბრაზებული ვარ, ბოთლს რომ მომიტანდით, თავში ჩაგარტყამდით - ეს შეიძლება გამეკეთებინა შარშან, თანაც დიდი სიამოვნებით

ეს ადამიანი ახლა ცდილობს და მას ჰგონია, თქვენზე იმდენად გაბრაზებული ვარ, ციხეში ნამყოფი კაცი თქვენი მეცადინეობით, ბოთლს რომ მომიტანდით, ამ ბოთლს გამოგართმევდით და თავში ჩაგარტყამდით. ეს შეიძლება მე გამეკეთებინა შარშან, თანაც დიდი სიამოვნებით და ამას დაიმსახურებდით,- ასე მიმართა „ნაციონალური მოძრაობის“ ლიდერმა ნიკა მელიამ საპარლამენტო უმრავლესობის წევრს ირაკლი ზარქუას, რომელმაც მელიას სიტყვით გამოსვლისას ტრიბუნასთან ბოთლით წყალი და ჭიქა მიუტანა.

მელიას განცხადებით, დღეს მას კარგად ესმის, თუ რა ბრძოლაშია ჩართული მეგობრებთან ერთად.

„ზარქუა არის ადამიანი, რომელიც არის უბრალოდ ტრაგიკული მოვლენა ამ პარლამენტში, ჩემი აზრით. რადგან ეს ადამიანი წარმოადგენს სახეს ჩვენი ხელისუფლების, არანაირი შანსიც კი განვითარების არ იქნება. ძვირფასო მეგობრებო, ეს ადამიანი ახლა ცდილობს და მას ჰგონია, თქვენზე იმდენად გაბრაზებული ვარ ციხეში ნამყოფი კაცი თქვენი მეცადინეობით, ბოთლს რომ მომიტანდით, ამ ბოთლს გამოგართმევდით და თავში ჩაგარტყამდით. ეს შეიძლება მე გამეკეთებინა შარშან, თანაც დიდი სიამოვნებით და ამას დაიმსახურებდით, მაგრამ ძალიან კარგად მაქვს გათვითცნობიერებული თუ რა ბრძოლაში ვარ მეგობრებთან ერთად“, - განაცხადა მელიამ.

მისივე თქმით, როგორც მას უხუთავდა სულს სამაჯური, რომელიც აღკვეთის ღონისძიების სახით ეკეთა, საზოგადოების დიდ ნაწილსაც ასევე უხუთავს სულს არსებული პარლამენტი.

მელიას თქმით, მან ეს სამაჯური მოიხსნა როგორც ძალადობისა და უსამართლობის სიმბოლო.

„ამ შენობის წინ, როდესაც გაიმართა პირველ ნოემბერს თავყრილობა საქართველოს ათიათასობით მოქალაქის, დიახაც, მე მოვიხსენი ის სამაჯური, როგორც ძალადობისა და უსამართლობის სიმბოლო და ვაცნობიერებდი, რომ მე შეიძლება თავისუფლება შემზღუდვოდა, მაგრამ მე ვარჩიე ეს ნაბიჯი გადამედგა. მე ვარჩიე ეს უსამართლობის სიმბოლო, სამაჯურის სახით, დამეკარგა, ვიდრე ღირსება დამეკარგა. აბა, ერთი წამი წარმოიდგინეთ, პარლამენტში თქვენ რომ გინდოდათ, ბოიკოტის გარეშე რომ შემოსულიყავით, დააკავებდით თუ არა თქვენს მოწინააღმდეგეს?! რა თქმა უნდა, არა! გინდოდათ, რომ თავი დამეხარა უსამართლობისთვის. გინდოდათ, რომ მეღიარებინა თქვენი უსამართლო ოლიგარქიული რეჟიმი, მაგრამ ვერ ეღირსეთ და ვერ მოესწრებით ამას,“- განაცხადა მელიამ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა