მამუკა მდინარაძე მელიას - მონურ მორჩილებაში მყოფ ადამიანებს გეძახიანო, ამის მოსმენა ცოტა ძნელია, იქნებ გაგვიგოთ - ვიდრე მიშას არ ეახლეთ, ელემენტარული გადაწყვეტილება ვერ მიიღეთ, ესაა მონური მორჩილება

ვიდრე მიშას არ ეახლეთ, მანამდე ელემენტარული გადაწყვეტილება ვერ მიიღეთ, ეს არის მონური მორჩილება ,- ასე მიმართა ფრაქცია "ქართული ოცნების" თავმჯდომარე მამუკა მდინარაძემ საპარლამენტო ტრიბუნიდან „ნაციონალური მოძრაობის“ თავმჯდომარე, ნიკა მელიას.

როგორც მან განაცხადა, ტყუილი და ოპონენტების „გაშავება“ ნაციონალური მოძრაობის“ საფირმო ნიშანია.

„მონურ მორჩილებაში მყოფ ადამიანებს გეძახიანო, ბატონო ნიკა, ამის მოსმენა ცოტა ძნელია, იქნებ გაგვიგოთ, რადგან სანამ მიშას არ ეახლეთ, მანამდე ელემენტარული გადაწყვეტილება ვერ მიიღეთ, აქ ახლა ასე გელაპარაკათ თუ არა, აქ შემობრძანებულიყავით თუ არა, ასე იყავით მთელი თქვენი ცხოვრება ყველანი. ეს არის მონური მორჩილება, რასაც თქვენ აკეთებთ.

საქმეს რაც შეეხება, მაგას მე გადავწყვეტ, როდის და როგორ ვილაპარაკებ. პირველი დიაგნოზი ისაა, რომ სანამ მიშას არ ეახლეთ, მანამდე სიტყვა ვერ დაძარით პარლამენტში შემოსვლაზე, „პუფები“ ეძახეთ ერთმანეთს. ის ადამიანი რას ლაპარაკობდა, იმას ვერ გაკადრებთ უბრალოდ, ელემენტარული ზრდილობისა და ეთიკის გამო ახლა თქვენი მეთოდები ოპონენტების „გაშავების“, მოდით, ამასაც წერტილი დავუსვათ. უმრავლესობის წევრებს, მათ შორის მე ვერაფერი რომ ვერ მოგვიხერხეთ, მერე ამბობთ, ეს ჩვენიანი იყო, „ნაცების“ მხარდამჭერიო და ამით „აშავებთ“. ჩემ ცხოვრებაში არ ვყოფილვარ თქვენი მხარდამჭერი, მათ შორის 2003 წელს, მსგავსი ჩემი თავისთვის არ მიკადრებია. ტყუილი რომ საფირმო ნიშანია თქვენი, ესეც გასაგებია, მაგრამ 20 ივნისთან დაკავშირებით ხომ არ დაგავიწყდათ, გარეთ კი არ იყო მარტო შტურმი და 2 საათიანი დედის გინება პოლიციელების, თავში ჩარტყმები, აქ წინა რიგებში ისხდნენ თქვენი წარმომადგენლები და ელოდებოდნენ, როდის შემოლაგდებოდნენ ისინი გარედან შტურმით“,-განაცხადა მდინარაძემ.

მან „ნაციონალურ მოძრაობას“ მიმართა, რომ პარტიულ ინტერესებს ყველაფერზე მაღლა აყენებენ და პარლამენტში არშესვლით ბოლო 7 თვე ქვეყანა „აჯანჯღარეს“. თუმცა, მდინარაძე აცხადებს, რომ მათ მედიატორების მხრიდან შემოთავაზებულ დოკუმენტზე ხელის მოწერა მაინც მოუწევთ.

„თავის დროზე, 2012 წლამდე ხომ ასწავლეთ ქართველ ხალხს, როგორი არ უნდა იყოს ხელისუფლება, 2012 წლის მერე ასწავლეთ, როგორი არ შეიძლება იყოს ოპოზიცია. ერთადერთი ამაზე თუ გეტყვით ვინმე მადლობას“, - განაცხადა მდინარაძემ.

მან ოპონენტებს მიმართა, რომ ხელისუფლება ქართული სახელმწიფოს განადგურების უფლებას არავინ მისცემს.

„დღეს კლავთ ქართულ სახელმწიფოს, ყოველ შემთხვევაში ამის მცდელობა გაქვთ და გამწარებული ხართ იმით, რომ ეს არავინ დაგანებათ“, - განაცხადა მდინარაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში