იუსტიციის მინისტრი სახელმწიფო ინსპექტორს შეხვდა

სახელმწიფო ინსპექტორის აპარატს ექნება შეუზღუდავი მანდატი საკუთარი უფლებამოსილების განხორციელებისათვის პენიტენციურ დაწესებულებებში - ამ და სხვა თემებზე იუსტიციის მინისტრმა და სახელმწიფო ინსპექტორმა დღეს გამართულ შეხვედრაზე ისაუბრეს. მხარეები მომავალი თანამშრომლობის საკითხზე შეთანხმდნენ. ინფორმაციას ამის შესახებ იუსტიციის სამინისტრო ავრცელებს.

მათი ცნობით, როგორც შეხვედრაზე აღინიშნა, იუსტიციის სამინისტრო სახელმწიფო ინსპექტორის აპარატთან მჭიდროდ ითანამშრომლებს კანონშემოქმედებითი საქმიანობის მიმართულებით, დაიგეგმება ერთობლივი ტრენინგები ორი უწყების წარმომადგენლებისათვის, სადაც მხარეები ინფორმაციას გაცვლიან პერსონალური მონაცემებისა და მისი დაცვის მექანიზმების შესახებ. ერთობლივი აქტივობები განხორციელდება, აგრეთვე, პირადი ინფორმაციის შესახებ საზოგადოების ცნობიერების ამაღლებისათვის.

შეხვედრას ესწრებოდნენ იუსტიციის მინისტრის მოადგილეები, სპეციალური პენიტენციური სამსახურის ხელმძღვანელი ნიკა ცხვარაშვილი და სახელმწიფო ინსპექტორის აპარატის წარმომადგენლები.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება