„სტრატეგია აღმაშენებლის" ერთ-ერთმა ლიდერმა თეონა აქუბარდიამ, პარლამენტში ამერიკის შეერთებული შტატების თავდაცვის ატაშეს, პოლკოვნიკ სტეფან ბეგლის უმასპინძლა.

ინფორმაციას „სტრატეგია აღმაშენებლის“ პრესსამსახური ავრცელებს.

მათი ცნობით, შეხვედრისას საუბარი შეეხო ორი ქვეყნის სტრატეგიულ თანამშრომლობას, თავდაცვის სფეროში არსებულ გამოწვევებს და ქალების როლის გაძლიერებას ქვეყნის უსაფრთხოებისა და თავდაცვის სფეროში.

თეონა აქუბარდიამ, როგორც თავდაცვისა და უშიშროების კომიტეტის თავმჯდომარის მოადგილემ, პარტნიორი ქვეყნის უმაღლესი რანგის წარმომადგენელს, საქართველოს თავდაცვის უნარიანობის გაძლიერებაში შეტანილი წვლილისთვის მადლობა გადაუხადა.