რატი ბრეგაძემ და ანრი ოხანაშვილმა სამომავლო თანამშრომლობის გეგმებზე იმსჯელეს

იუსტიციის სამინისტროსა და პარლამენტის იურიდიულ საკითხთა კომიტეტის თანამშრომლობა ახალ ეტაპზე გადადის, - ამის შესახებ ინფორმაციას საქართველოს იუსტიციის სამინისტრო ავრცელებს.

როგორც უწყების გავრცელებულ ინფორნაციაშია აღნიშნული, მხარეებს შორის პარტნიორობა კანონშემოქმედებითი მიმართულებით კიდევ უფრო ინტენსიური გახდება. იუსტიციის სამინისტრო საკანონმდებლო ორგანოში უახლოეს პერიოდში მოსახლეობის საჭიროებაზე მორგებულ არაერთ ინიციატივას წარადგენს.

„რატი ბრეგაძემ პარლამენტში პირველი სამუშაო შეხვედრა იურიდიულ საკითხთა კომიტეტის თავმჯდომარესთან გამართა. მხარეებმა ერთობლივი პროექტები და სამომავლო თანამშრომლობის გეგმები განიხილეს. შეხვედრას იუსტიციის მინისტრის მოადგილეები: თორნიკე ჭეიშვილი, ბექა ძამაშვილი, აკაკი საღირაშვილი და ბუბა ლომუაშვილი დაესწრნენ.

მხარეებმა იურიდიულ საკითხთა კომიტეტის მიერ დაგეგმილ რეფორმებთან დაკავშირებითაც იმსჯელეს. მათ შორის საუბარი შეეხო ცვლილებებს, რომლებიც „ადმინისტარციულ სამართალდარღვევათა კოდექსს“, „სისხლის სამართლის კოდექსს“ და „მეწარმეთა შესახებ“ კანონებს უკავშირდება.

ანრი ოხანაშვილმა იუსტიციის მინისტრს ყველა მის მნიშვნელოვან ინიციატივასა და დაგეგმილ რეფორმაში იურიდიულ საკითხთა კომიტეტის მტკიცე მხარდაჭერა გამოუცხადა”, - ნათქვამია ინფორმაციაში

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს