ირმა ზავრადაშვილი - სიცრუის დეტექტორიც უნდა დავაყენოთ

არანაირი ნეგატიური კონტექსტი, არც კონკრეტული ადამიანი დამისახელებია და არც ვინმეს მიმართ არ მითქვამს, მაგრამ როცა სიტუაცია არაჯანსაღი ხდება, იქ ფსიქოლოგის და ფსიქიატრის ჩარევა აბსოლუტურად ადეკვატურია,- ასე პასუხობს უმრავლესობის დეპუტატი ირმა ზავრადაშვილი ჟურნალისტების კითხვას, ხომ არ იყო მისი ნათქვამი პარლამენტში ფსიქოლოგისა და ფსიქიატრის საჭიროებაზე დისკრიმინაციული ამ საჭიროების მქონე ადამიანების მიმართ.

როგორც მან აღნიშნა, სიცრუის დეტექტორის საჭიროებაც დგას.

"როცა ამდენი პრობლემაა ქვეყანაში, უმნიშვნელოვანესი საკითხები იხილება და სასწაულ პოლიტიკურ განცხადებებს აკეთებ, რომელიც აცდენილია თემასთან, ეს აბსოლუტურად ადეკვატური კითხვაა, რაც მე დავსვი და მგონი, ეს ბოლო ერთი კვირაა, მართლა გვჭირდება ჩვენ ეს შტატი.

რატო არის დისკრიმინაციული? ფსიქოლოგის ყოლა დისკრიმინაციაა? არანაირი ნეგატიური კონტექსტი, არც კონკრეტული ადამიანი დამისახელებია და არც ვინმეს მიმართ არ მითქვამს, მაგრამ როცა სიტუაცია არაჯანსაღი ხდება, იქ ამ პროფესიის ადამიანების ჩარევა აბსოლუტურად ადეკვატურია. მე არც უმრავლესობა მიხსენებია და არც უმცირესობა, პრობლემა იმან მიიღო თავის თავზე, ვისაც ეს აწუხებდა. არავისთვის შეურაცხყოფა არ მიმიყენებია. თქვენ თუ ამაზე სერიოზული კითხვა არ გაქვთ ჩემთან, ძალიან კარგია ეს. სიცრუის დეტექტორიც უნდა დავაყენოთ, ესეც ვფიქრობ, რომ საჭიროა. სიცრუის დეტექტორიც გვჭირდება და იმიტომ რომ ამდენ ტყუილს ამბობენ ადამიანები, შეურაცხყოფილად უნდა იგრძნონ თავი?!", - აღნიშნა ზავრადაშვილმა.

ცნობისათვის, მანამდე ზავრადაშვილმა სხდომაზე განაცხადა, რომ სიტუაცია ისე მიდის, რომ, როგორც ჩანს, ახალი შტატი იქნება დასამატებელი. ზავრადაშვილის თქმით, პარლამენტში ფსიქოლოგი და ფსიქიატრი სჭირდებათ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა