დავით სონღულაშვილი - კომიტეტი ღიაა ნებისმიერი ინიციატივისთვის, რომელიც ეკონომიკის სწრაფ განვითარებას და ბიზნესის ხელშეწყობას ითვალისწინებს

პოსტკოვიდურ პერიოდში შრომის კანონმდებლობის აღსრულებასთან დაკავშირებულ გამოწვევებზე იმსჯელეს „ეკონომიკური პოლიტიკის ადვოკატირების კოალიციის" (EPAC) მიერ ორგანიზებულ შეხვედრაზე. ამის შესახებ ინფორმაციას საქართველოს პარლამენტის პრესსამსახური ავრცელებს.

შეხვედრის მონაწილეებს მისასალმებელი სიტყვით დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა მიმართა, რომელმაც ახალი შრომის კოდექსით შემოთავაზებულ სიახლეებზე ისაუბრა.

„დარგობრივი ეკონომიკისა და ეკონომიკური პოლიტიკის კომიტეტი ღიაა ნებისმიერი ინიციატივისთვის, რომლითაც შესაძლებელი ხდება ეკონომიკის სწრაფი აღდგენა და ბიზნესის ხელშეწყობა. შეხვედრაზე ვისაუბრეთ იმ გამოწვევებზე, რომელიც შრომის ახალ კოდექს ახლავს. სხვადასხვა ფორმატში დისკუსია და მსჯელობა მომავალშიც გაგრძელდება. ამ შეხვედრების მიზანია მივიღოთ ისეთი გადაწყვეტილებები, სადაც დაცული იქნება იმ სუბიექტების უფლებები, რომლებიც შრომით ურთიერთობებში არიან ჩართულნი", - განაცხადა დავით სონღულაშვილმა.

პარლამენტის ცნობით, ბიზნეს ასოციაციის კოალიცია 50-მდე ბიზნეს ორგანიზაციას აერთიანებს. შეხვედრა ამერიკის შრომის დეპარტამენტის მიერ დაფინანსებული პროექტის ფარგლებში გაიმართა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს