იუსტიციის მინისტრი საქართველოში გაერო-ს განვითარების პროგრამის მუდმივი წარმომადგენლის მოვალეობის შემსრულებელს შეხვდა

იუსტიციის მინისტრი რატი ბრეგაძე საქართველოში გაერო-ს განვითარების პროგრამის (UNDP) მუდმივი წარმომადგენლის მოვალეობის შემსრულებელ ანა ჩერნიშოვას შეხვდა.

როგორც ინფორმაციაშია აღნიშნული, იუსტიციის სამინისტრო გაერო-ს განვითარების პროგრამასთან თანამშრომლობის ახალ ფორმატზე შეთანხმდა, რაც არბიტრაჟისა და მედიაციის სფეროში მჭიდრო პარტნიორობას გულისხმობს.

იუსტიციის მინისტრის თქმით, დაგეგმილია გამოცდილების გაზიარება სერვისების გაციფრულების კუთხითაც.

„ვფიქრობ, გვექნება ძალიან საინტერესო თანამშრომლობა, რაც, საბოლოო ჯამში, ჩვენს მოსახლეობას და თანამემამულეებს, რომლებიც მსოფლიოს სხვადასხვა ქვეყანაში ცხოვრობენ, ძალიან ბევრ სიკეთეს მოუტანს“, – განაცხადა იუსტიციის მინისტრმა რატი ბრეგაძემ.

საქართველოში გაერო-ს განვითარების პროგრამის (UNDP) მუდმივი წარმომადგენლის მოვალეობის შემსრულებელმა ანა ჩერნიშოვამ იუსტიციის მინისტრს შთამბეჭდავი პარტნიორობისთვის მადლობა გადაუხადა.

„ეს შეხვედრა ძალიან წარმატებული იყო, რადგან განვიხილეთ სამომავლო გეგმები, განსაკუთრებით, შესაძლო ცვლილებები საარბიტრაჟო კანონში. აგრეთვე, საქართველოში რეგიონული ცენტრის შექმნის საკითხი არბიტრაჟისა და მედიაციის კუთხით. ვისაუბრეთ სამომავლო პარტნიორობის საკითხებზე საჯარო მმართველობის რეფორმასთან დაკავშირებით“ , -განაცხადა ანა ჩერნიშოვამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა