გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
კომპანიის ცნობით, ქსელის გეგმური სარეაბილიტაციო სამუშაოების გამო, 11 ივნისს 10:00-დან 18:30 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში მაღაროსკარი, გომეწარი, კორშა, შუაფხო, დათვისი, თხილია, მუქო და მიმდებარე სოფლებში; 11:00-დან 15:00 საათამდე აბონენტებს ყაზბეგის რაიონის სოფლებში ყანობი, კობი, უხათი, ალმასიანი, ოქროყანა და მიმდებარე სოფლებში.
როგორც კომპანიაში აღნიშნავენ, სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.