პერიოდულად ახალი გარემოებების გაჩენა ამ ისტერიას რაღაცნაირად აუფასურებს და საკითხს აქტუალობას უკარგავს, - ასე ეხმაურება პარლამენტის ვიცე-სპიკერი დავით სერგეენკო მუქარის წერილის თაობაზე პარტია „ლელოს" ლიდერის მამუკა ხაზარაძის განცხადებას.
როგორც სერგეენკომ ჟურნალისტებთან საუბრისას აღნიშნა, „ამ ადამიანმა უნდა მოყვეს როგორ იყო, რადგან თუ ადრე ამბობდა, რომ წერილი გაუგზავნეს, ახლა ამბობს, რომ შეხვედრა უშუალოდ კაბინეტში შედგა".
„იურიდიულ ენაზე ამას ახალი გარემოების გაჩენა ჰქვია. არ ვიცი, რატომ თავიდანვე არ თქვეს, როგორ იყო სიტუაცია. კარგი იქნება თუკი მთლიანად მოყვებიან სურათს, რა იყო და როგორ იყო. გამოძიებას აქვს თავის ინსტრუმენტები შეაფასოს, არის თუ არა პოტენციურად სისხლის სამართლის საქმის საფრთხე და როგორ ჩაატაროს გამოძიება", - განაცხადა დავით სერგეენკომ.