ფრაქცია „ნაციონალური მოძრაობა“-„გაერთიანებული ოპოზიცია-ძალა ერთობაშიას“ თავმჯდომარე ხატია დეკანოიძის განცხადებით, მათი ფრაქცია ამნისტიის შესახებ კანონპროექტის გარდა, სხვა კანონპროექტებზე თანამშრომლობის პასუხისმგებლობის ასაღებად მზად არის.
როგორც დეკანოიძემ განმარტა, აღნიშნულ საკითხზე სხვადასხვა პარტიის ლიდერებს და წარმომადგენლებს უახლოეს მომავალში შეხვდებიან.
,,ამნისტიის გარდა ჩვენ მზად ვართ ავიღოთ თანამშრომლობის პასუხისმგებლობა მათ შორის მართლმსაჯულების საკითხზე, საკონსტიტუციო ცვლილებებზე, ცესკოს რეფორმებზე და ა.შ. ჩვენ მზად ვართ, რომ ვითანამშრომლოთ სხვადასხვა პოლიტიკურ პარტიებთან. ამასთან დაკავშირებით ვაპირებთ შევხვდეთ ფრაქციების ლიდერების და წარმომადგენლობის დონეზე, მათ შორის უმრავლესობასა და სხვადასვა ოპოზიციურ პარტიებს”, - აღნიშნა ხატია დეკანოიძემ.