„ნაციონალური მოძრაობა“ პარლამენტის მიერ მიღებულ გადაწყვეტილებებზე კენჭისყრის შედეგების გადამოწმებას ითხოვს.საკითხი პლენარულ სხდომაზე, კენჭისყრის პროცედურის დასრულების შემდეგ დეპუტატმა ლევან ბეჟაშვილმა დააყენა. როგორც მან განმარტა, მთელი რიგი კანონპროექტები მიღებულია 80-81 ხმით, თუმცა სხდომათა დარბაზში უმრავლესობის წევრები გადათვალეს და ამ რაოდენობის დეპუტატი არ იმყოფება.
ბეჟაშვილმა მოითხოვა, აპარატის შესაბამისმა სამსახურმა მათ კენჭისყრის შედეგები მისცეს, რათა გადაამოწმონ, ვის ნაცვლად მოხდა ხმის მიცემა.