ნათია თურნავა - პანდემიის მიუხედავად, ზაფხულის სეზონი დაიწყო, საქართველოს სხვადასხვა კუთხის ქუჩებში უკვე ვხედავთ უცხოელ ტურისტებს

მიუხედავად პანდემიისა, ზაფხულის სეზონი დაიწყო და ბათუმის, თბილისის და საქართველოს სხვა ულამაზესი კუთხეების ქუჩებში ჩვენ უკვე ვხედავთ უცხოელ ტურისტებს, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ჟურნალისტებს განუცხადა.

როგორც მინისტრმა აღნიშნა, მიუხედავად იმისა, რომ ქვეყანაში შესვლისთვის გარკვეული შემაფერხებელი ფაქტორები მოქმედებს, გაიზარდა ფრენების და იმ ქალაქების რაოდენობა, საიდანაც საქართველო ტურისტებს იღებს.

„უნდა გავითვალისწინოთ, რომ მსოფლიოში ჯერ კიდევ მძვინვარებს პანდემია, სხვადასხვა ქვეყანაში არსებობს საკუთარი მოქალაქეების უკან შეშვების სხვადასხვა წესი და ეს შემაფერხებელი ფაქტორია. მიუხედავად ამისა, აღდგენა მიდის ძალიან მაღალი ტემპით - 50%-ზე მეტით აღდგა ფრენები და გაიზარდა იმ ქალაქების და მიმართულებების რაოდენობა, საიდანაც ჩვენთან ტურისტები მოფრინავენ. ტურიზმის ინდუსტრიაში ზრდა 200%-ს აღემატება. ჩვენ მაქსიმალურად ვცდილობთ ტურისტებისთვის ინფრასტრუქტურა იყოს კომფორტული. მაგალითად, 72 საათში ერთხელ ტესტირებას ძირითადად კერძო ლაბორატორიებში ხდება. თუ დავინახავთ, რომ რომელიმე რეგიონში, თუნდაც აჭარაში, ამ თვალსაზრისით შეფერხებაა, დავეხმარებით, რათა უფრო აქტიურად იმუშავონ. რაც შეეხება ტესტირების საფასურს, ეს ის საფასურია, რომელიც საქართველოს მოქალაქეებმა არ უნდა გაიღონ. ვაფინანსებთ მათ ტესტირებას. რაც შეხეება ჩამოსულ ტურისტებს, ეს მათვის მნიშვნელოვანი ხარჯი არაა. ესაა ხარჯი, რომელიც გაღებულია მათი და ჩვენი უსაფრთხოებისთვის“,- განაცხადა თურნავამ.

რაც შეეხება ტურიზმის სექტორის ვაქცინაციას, მინისტრის თქმით, ვაქცინაციის ცენტრი გაიხსნა აჭარაშიც.

„ჩვენ გავითვალისწინეთ კერძო სექტორის წუხილი და ჯანდაცვის სამინისტრომ გახსნა დამატებითი ვაქცინაციის პუნქტი აჭარაში, იმიტომ, რომ დატვირთვა დიდია და რა თქმა უნდა, ადამიანებს, ვინც სასტუმროებს და რესტორნებს ემსახურებიან, უჭირთ, რომ თბილისში ჩამოვიდნენ. მოთხოვნა მაღალია და გეგმაზომიერად ხდება ვაქცინაცია“,- განაცხადა თურნავამ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება