მამუკა მდინარაძის განცხადებით, პარტიას დაფინანსება არ შეუწყდება, თუ ის ბოიკოტის რეჟიმში იმყოფება და ოპოზიციის საუბარი კანონპროექტის სადამსჯელო მექანიზმად გამოყენებაზე, სპეკულაციაა

რეალურად, მათ სურთ კანონი იმგვარად არეგულირებდეს პარტიების დაფინანსებას, რომ შეეძლოთ ბოიკოტიც კი არ გამოაცხადონ, უბრალოდ, ­არ იარონ, არ შემოვიდნენ პარლამენტში, მათზე დაკისრებული მოვალეობა არ შეასრულონ და ისე მიიღოს პარტიამ დაფინანსება, - ასე ეხმიანება ფრაქცია „ქართული ოცნების" თავმჯდომარე მამუკა მდინარაძე ჟურნალისტებთან, პარტიების დაფინანსების შესახებ მმართველი გუნდის კანონპროექტზე ოპოზიციის შეფასებებს.

მდინარაძის თქმით, პარტიას დაფინანსება არ შეუწყდება თუ ის ბოიკოტის რეჟიმში იმყოფება და ოპოზიციის საუბარი კანონპროექტის სადამსჯელო მექანიზმად გამოყენებაზე, სპეკულაციაა.

„ეს ოდნავ უტრირებულად ნიშნავს, რომ მაგალითად, რომელიმე თქვენგანმა თქვას, მე ხელფასი უნდა მომცეთ, სამსახურში ვივლი თუ არა. როცა პარტია და მისი საპარლამენტო შემადგენლობის ნახევარი უბრალოდ უარს ამბობს ბოიკოტის რეჟიმზეც კი, ამ შემთხვევაში მათ არ დაუფინანსდებათ პარტია. სადამსჯელო ღონისძიებებზე საუბრობენ სპეკულაციურად და დიდი ხნის განმავლობაში არის უკვე ნორმა პარლამენტის რეგლამენტში, რომ თუ ნახევარზე მეტს გააცდენს დეპუტატი, ხელფასს ვერ მიიღებს, ამაზე არავის მოფიქრებია სადამსჯელო ღონისძიებად შეფასება, რადგან ეს სწორია, ასევე სწორია პარტიების დაფინანსებაზე ჩვენი პროექტიც,"- განაცხადა მდინარაძემ.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა