„ნიუ ჰოსპიტალსში" აცხადებენ, რომ კრწანისის ქუჩაზე ავარიის დროს დაშავებულ არასრულწლოვანს ოპერაცია ჩაუტარდა და მისი მდგომარეობა სტაბილურია
კრწანისის ქუჩაზე მომხდარი ავარიის დროს დაშავებულ არასრულწლოვანს ოპერაცია ჩაუტარდა. ამ დროისთვის ოპერაცია კიდევ ერთი დაშავებულს უტარდება.
როგორც „ინტერპრესნიუსს“ კლინიკაში განუცხადეს, არასრულწლოვნის ჯანმრთელობის მდგომარეობა სტაბილურია.
მათივე ცნობით, ის უკვე გადაიყვანეს ინტენსიური თერაპიის განყოფილებაში.
ცნობისთვის, კრწანისის ქუჩაზე, ავარიის შედეგად 2 ადამიანი გარდაიცვალა და რამდენიმე დაშავდა. როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის ექსპლუატაციისა და უსაფრთხოების წესების დარღვევას გულისხმობს.
