ნინოწმინდის პანსიონთან დაკავშირებით შესაძლოა, პარლამენტის განათლებისა და მეცნიერების კომიტეტში მოსმენა გაიმართოს

ნინოწმინდის პანსიონთან დაკავშირებით შესაძლოა, პარლამენტის განათლებისა და მეცნიერების კომიტეტში საკომიტეტო მოსმენა გაიმართოს.

საკითხი ოპოზიციონერმა დეპუტატმა, ფრაქცია „ლელო-პარტნიორობა საქართველოსთვის“ წევრმა სალომე სამადაშვილმა დასვა.

„ვფიქრობ, კომიტეტმა უახლოეს მომავალში უნდა ჩანიშნოს მოსმენა, რაც შეეხება ნინოწმინდის პასნიონატში შექმნილ ვითარებას და ზოგადად, ამ მიმართულებით რა ვითარება გვაქვს. ვფიქრობ, საზოგადოებისთვის ეს ძალიან მნიშვნელოვანი საკითხია. კარგი იქნებოდა კომიტეტის სპეციალური სხდომა მოგვეწვია, რომ ამ საკითხში ძალიან საფუძვლიანად ჩაგვეხედა, ყველა ასპექტი შეგვესწავლა კომიტეტის სხდომის ფარგლებში. თუ გნებავთ ოფიციალურად შემიძლია მოგმართოთ წერილობითი წინადადებით“, - განაცხადა სალომე სამადაშვილმა.

სამადაშვილის წინადადებას კომიტეტის თავმჯდომარის მოადგილემ, „ქართული ოცნების“ დეპუტატმა გიორგი ამილახვარმა უპასუხა და აღნიშნა, რომ თუ კომიტეტის წევრები მზაობას გამოთქვამენ, საკითხზე მსჯელობის გამართვა იქნება შესაძლებელი.

„ნინოწმინდის საკითხში პირველივე დღიდან განათლების და მეცნიერების სამინისტრო, კომიტეტის თავმჯდომარე, ასევე ბექა დავითულიანი აქტიურად არიან ჩართულები. ვფიქრობ, ამ საკითხზე ჩვენ შეგვიძლია ვიმსჯელოთ და გავაკეთოთ ეს მოსმენა, თუ კომიტეტის წევრებიც თანახმა იქნებიან. ნამდვილად მნიშვნელოვანი საკითხი, თუმცა, კომიტეტი ამ საკითხებში თავიდან ბოლომდეა ჩართული“, - განაცხადა ამილახვარმა.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით