ნათია თურნავა - ექსპორტში თითქმის 45%-იანი ზრდა გვაქვს, მაისში ექსპორტმა თითქმის 340 მლნ დოლარს მიაღწია

2021 წლის მაისში, როდესაც ჯერ კიდევ მძვინვარებს პანდემია 2019 წლის მაისის დონეზე გვაქვს ჩვენი პროდუქციის ექსპორტი, ხოლო წინა წელთან შედარებით გვაქვს 45%-იანი ზრდა, - ამის შესახებ ეკონომიკის მინისტრმა ნათია თურნავამ მთავრობის სხდომის დასრულების შემდეგ გამართულ ბრიფინგზე განაცხადა.

მისივე თქმით, ექსპორტი პირდაპირ მონაწილეობს ეკონომიკის ზრდის კომპონენტში და მისი მაღალი პროცენტით გაზრდა ეკონომიკის ასეთივე მაღალი ტემპით ზრდისკენ მიანიშნებს.

„მორიგი დადებითი ინფორმაცია ეკონომიკის აღდგენასთან დაკავშირებით, დღეს დილით სტატისტიკის სააგენტოს მიერ გამოქვეყნდა მაისის თვის შეჯამებული საგარეო ვაჭრობის სტატისტიკა. ძალიან მნიშვნელოვანია, რომ 2021 წლის მაისში საგარეო ვაჭრობის მაჩვენებელი მკვეთრად გაუმჯობესდა. კერძოდ, ექსპორტში გვაქვს თითქმის 45%-იანი ზრდა, ექსპორტმა მაისში მიაღწია თითქმის 340 მილიონ დოლარს. მნიშვნელოვანია ასევე, რომ პირველ 5 თვეში ექსპორტი გაიზარდა 24,4%-ით და ასევე მნიშვნელოვანია, ვინაიდან 2020 წელი იყო ძალიან მძიმე წელი და ჩვენი პროგრესი ეკონომიკაში რომ შევაჯამოთ და შევაფასოთ, 2019 წლის მაისთან შედარებით ექსპორტი პრაქტიკულად იგივე დონეზეა, არ შემცირებულა. 2019 წელი ექსპორტის თვალსაზრისით იყო ბოლო ათწლეულში რეკორდული წელიწადი. აქედან გამომდინარე, 2021 წლის მაისში, როდესაც ჯერ კიდევ მძვინვარებს პანდემია, ჩვენი პროდუქციის ექსპორტი 2019 მაისის დონეზე გვაქვს, ხოლო წინა წელთან შედარებით ძალიან მნიშვნელოვანი 45%-იანი ზრდა. ამას იმიტომ აღვნიშნავთ, რომ თითოეული ასეთი მონაცემი იმედს გვაძლევს, რომ ეკონომიკური ზრდა გაგრძელდება და რა თქმა უნდა, სრულიად საფუძვლიანია ჩვენი მოლოდინი, რომ წელიწადს დავამთავრებთ ორნიშნა ეკონომიკური ზრდით თუ არა 6,5-6,7 ეკონომიკური ზრდით მაინც, რაც ნიშნავს იმას, რომ მთლიანად გავანულებთ 2020 წელს პანდემიით მიყენებულ ზიანს. ექსპორტი პირდაპირ მონაწილეობს მთლიანი შიდა პროდუქტის, ეკონომიკის ზრდის კომპონენტში და მისი მაღალი პროცენტით გაზრდა მიანიშნებს იმაზე, რომ ეკონომიკური ზრდაც ასეთივე მაღალი იქნება“, - განაცხადა თურნავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს