სოზარ სუბარი - დევნილთა დახმარების მიმართულებით გასატარებელ რეფორმაზე სახელმწიფოს აღებული აქვს ვალდებულება, რომელიც უნდა შევასრულოთ

რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი გაერთიანებული ერების ორგანიზაციის (UNHCR) ლტოლვილთა საქმეთა უმაღლესი კომისარიატის წარმომადგენლებს საქართველოში სალომე ქუსიკაშვილს და იოჰან ფრანცს შეხვდა. ამის შესახებ ინფორმაციას პარლამენტის პრესსამსახური ავრცელებს.

მათივე ინფორმაციით, მხარეებმა სამომავლო თანამშრომლობის პერსპექტივებზე ისაუბრეს მათ შორის, ეს ეხებოდა როგორც თავშესაფრის მაძიებელ პირთა ასევე, დევნილთა მიმართ გასატარებელ სოციალურ პოლიტიკას. შეხვედრისას აღინიშნა, რომ საჭიროა გარკვეული სერვისების მიწოდება ხდებოდეს მუნიციპალიტეტებში და ამ პროცესში უფრო მეტად ჩაერთონ თვითმმართველობები.

„რეფორმა, რომელიც სახელმწიფომ დაიწყო შეჩერებულია. ჩვენ უნდა შევასრულოთ ის ვალდებულება რომელიც სახელმწიფოს ჯერ კიდევ 2008 წლიდან აქვს აღებული თუმცა, დღემდე ვერ მოხერხდა რეფორმის გატარება. ასევე, მნიშვნელოვანია თავშესაფრის მაძიებელ პირთა სოციალური დახმარების მიმართულებით, გარკვეული სერვისების მიწოდება ხდებოდეს რეგიონებში, მუნიციპალიტეტებში ამ პროცესში უფრო მეტად ჩაერთონ თვითმმართველობები. არ ხდებოდეს ყველაფრის ცენტრალიზებულად მართვა“, - განაცხადა სოზარ სუბარმა.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია