კახა კუჭავა აცხადებს, რომ შშმ პირთა უფლებების დაცვის მიმართულებით გარკვეული მიღწევაა, თუმცა აუცილებელია, ამ კუთხით მუშაობა გაგრძელდეს

აუცილებელია, გავაგრძელოთ მუშაობა, რომ მაქსიმალურად შევქმნათ შესაძლებლობა, შეზღუდული შესაძლებლობის მქონე პირებმა როგორც პარლამენტის შენობით, ისე ყველა არსებული საშუალებებით ბოლომდე სარგებლობა შეძლონ, - ამის შესახებ საქართველოს პარლამენტის თავმჯდომარემ, კახა კუჭავამ ბიუროს სხდომაზე განაცხადა.

კახა კუჭავას თქმით, დღეს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.

პარლამენტის თავმჯდომარის შეფასებით, ამ კუთხით, ბოლო წლების განმავლობაში, ქვეყანას გარკვეული მიღწევები აქვს. კახა კუჭავამ აღნიშნული მიმართულებით აქტიური მუშაობისთვის პარლამენტის წევრს, რატი იონათამიშვილს მადლობა გადაუხადა.

„დღეს, შეზღუდული შესაძლებლობების მქონე პირთა უფლებების დაცვის დღეა. ბოლო წლების განმავლობაში, ამ მიმართულებით გარკვეული მიღწევები გვაქვს და არ ვგულისხმობ მხოლოდ ტექნიკურად გამართულ პარლამენტს, რომელიც საშუალებას აძლევს ყველა შეზღუდული შესაძლებლობების მქონე პირს, ისარგებლოს პარლამენტის შენობით. აღსანიშნავია 2020 წლის 14 ივლისს პარლამენტის მიერ მიღებული კანონი „შეზღუდული შესაძლებლობების მქონე პირთა უფლებების შესახებ“, რომელიც 1 იანვრიდან უკვე ამოქმედდა. გარდა ამისა, საქართველოს პარლამენტმა მოახდინა გაერთიანებული ერების ორგანიზაციის შეზღუდული შესაძლებლობების მქონე პირთა უფლებების ფაკულტატური ოქმების რატიფიცირებაც, რომელიც 12 მაისიდან შევიდა ძალაში. აუცილებელია, გავაგრძელოთ მუშაობა, რომ მაქსიმალურად შევქმნათ შესაძლებლობა, რომ შეზღუდული შესაძლებლობის მქონე პირებმა როგორც პარლამენტის შენობის, ისე ყველა არსებული საშუალებებით ბოლომდე სარგებლობა შეძლონ“,- განაცხადა პარლამენტის თავმჯდომარემ.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო