გადავწყვიტე სამშობლოში დავბრუნებულიყავი და ჩავბმულიყავი გამარჯვებისკენ სვლაში, რომელსაც გიორგი გახარია ხელმძღვანელობს, - ამის შესახებ პარტია ,,საქართველოსთვის" აჭარის რეგიონული ორგანიზაციის ხელმძღვანელმა ირაკლი მიქელაძემ განაცხადა.
ირაკლი მიქელაძის თქმით, აჭარის სათაო ოფისში იქნება სივრცე, სადაც პროფესიონალი ადამიანები, რომლებთან ერთადაც პარტია ქალაქისა და რეგიონის კეთილდღეობისთვის მთელი რიგი პროექტების განხილვას შეძლებს.
,,ეს აჭარის რეგიონის სათაო ოფისია. აქ დაგხვდებათ სივრცე და პროფესიონალი ადამიანები, რომლებთან ერთად ჩვენ შევძლებთ ჩვენი ქალაქის და ჩვენი რეგიონის კეთილდღეობისთვის მთელი რიგი პროექტების განხილვას. თითქმის 2 წელი გერმანიაში ვცხოვრობდი, მაგრამ მივიღე გადაწყვეტილება, რომ ჩვენი შვილების, ჩვენი მომავლის და ჩვენი წარმატებისთვის უნდა დავბრუნებულიყავი სამშობლოში და ჩავბმულიყავი იმ ბრძოლაში, იმ გამარჯვებისკენ სვლაში, რომელსაც ხელმძღვანელობს გიორგი გახარია და კონკრეტულად პარტია „საქართველოსთვის", - განაცხადა მიქელაძე.
პარტია „საქართველოსთვის" პირველი რეგიონალური ოფისი დღეს ქალაქ ბათუმში გაიხსნა. ოფისის გახსნას პარტიის თავმჯდომარე, გიორგი გახარია, პარტიის სხვა ლიდერები, წევრები და მხარდამჭერები ესწრებოდნენ.