რუსუდან თევზაძე - განათლების სისტემაში სტრუქტურული რეფორმის  განხორციელება აუცილებელია

პარტია „საქართველოსთვის" პოლიტსაბჭოს წევრმა რუსუდან თევზაძემ განათლების სისტემაში რეფორმების აუცილებლობაზე ისაუბრა და აღნიშნა, რომ განათლების სისტემაში სტრუქტურული რეფორმის განხორციელება აუცილებელია.

,,დღეს სასიცოცხლოდ აუცილებელია განათლების სისტემაში სტრუქტურული რეფორმის განხორციელება. მათ შორის, პირველ რიგში, ბიუროკრატიული კომპონენტის შემცირება, რომელიც ხელს შეუწყობს, პედაგოგის და მასწავლებლის თვითგანვითარებაზე ფოკუსირებას. მნიშვნელოვანია, აღზრდის კომპონენტის გაძლიერება, რომელიც მოქალაქის აღზრდის და დემოკრატიული ღირებულებების ჩამოყალიბებას შეუწყობს ხელს'' , - ამბობს თევზაძე.

როგორც ინფორმაციაშია აღნიშნული, რუსუდან თევზაძე ხაზს უსვამს, რომ პარტიის მიდგომები უკვე მიღწეული პროგრესის სრულფასოვნად შენარჩუნებაზე - განათლების სფეროსაც მოიცავს.

„უმთავრესი და არსებითი ხაზი პარტია „საქართველოსთვის" ყველა მიმართულებაში და განათლებაშიც არის, რომ აუცილებლად შენარჩუნებული იქნება წარსულის კარგი პრაქტიკები“ , - აღნიშნა თევზაძემ.

დღეს ბათუმში პარტია „საქართველოსთვის" პირველი ოფისი გაიხსნა. ოფისის გახსნას პარტიის ლიდერები, წევრები და მხარდამჭერები ესწრებოდნენ. ღონისძიებაზე ასევე განიხილეს პარტიის პროგრამული ხედვები.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა