გიორგი ბოტკოველი - ერთმანეთში რას გაარკვევენ - გახარია უფრო მაგარი „ქოცია“ თუ კობახიძე, ამას ქართველი ხალხისთვის არსებითი მნიშვნელობა არ აქვს

ერთმანეთში რას გაარკვევენ - გახარია უფრო მაგარი „ქოცია“ თუ კობახიძე, ამას ქართველი ხალხისთვის არსებითი მნიშვნელობა არ აქვს,- ამის შესახებ „ნაციონალური მოძრაობის“ დეპუტატმა გიორგი ბოტკოველმა ჟურნალისტებთან განაცხადა, რითაც გამოეხმაურა პარტია „საქართველოსთვის" ლიდერის, გიორგი გახარიას შესახებ „ქართული ოცნების“ თავმჯდომარის, ირაკლი კობახიძის განცხადებებს.

როგორც მან აღნიშნა, კობახიძის განცხადებები ფაქტობრივად ჩვენებაა გახარიას წინააღმდეგ. „მხოლოდ შეიძლება გაგეცინოს ადამიანს ამ განცხადებებზე, თურმე რა ცუდ დღეში ყოფილა „ქართული ოცნება" და რაც დაემართა, ყოველდღიურად რომ მისი რეიტინგი ვარდება, თურმე, ყოფილა გახარიას ბრალი. ეს იცოდნენ, რომ დანაშაულს სჩადიოდა, მაგრამ იმის გამო, რომ მათ გუნდში იყო, არ ლაპარაკობდნენ და მაინც ქება უწევდათ. სტენოგრამა რომ გავაკეთოთ კობახიძის გუშინდელი განცხადების, ეს შეიძლება იყოს ჩვენება პროკურატურაში გახარიას წინააღმდეგ, ძალიან სამარცხვინოა „ქართული ოცნებისთვის“ და სამწუხაროა ქვეყნისთვის. ის დანაშაული, რომელშიც ჩაფლულები არიან რაც ხელისუფლებაში მოვიდნენ, უნდათ, რომ გადააბრალონ ერთს. ესენი ერთმანეთში რას გაარკვევენ - გახარია უფრო მაგარი „ქოცია“, თუ კობახიძე, ამას ქართველი ხალხისთვის არსებითი მნიშვნელობა არ აქვს“, - განაცხადა ბოტკოველმა.

რაც შეეხება გახარიასა და მიხეილ სააკაშვილის ერთმანეთთან დაკავშირებას კობახიძის მხრიდან, ბოტკოველი ამბობს, რომ „ბუა მათთვის არის მიხეილ სააკაშვილი".

„როცა გაუჭირდებათ უცებ ახსენდებათ „ბუა“, რომ ამით შეაშინონ მათზე განაწყენებული ამომრჩეველი, ახლაც ცდილობენ გახარია წარმოაჩინონ მიხეილ სააკაშვილთან დაკავშირებულად, მაგრამ ეს მათ შედეგს ვერ მოუტანს“, - განაცხადა ბოტკოველმა.

იხილეთ ვიდეო:გიორგი ბოტკოველის განცხადებით, გახარია უფრო მაგარი "ქოცია" თუ კობახიძე, ამას ქართველი ხალხისთვის არსებითი მნიშვნელობა არ აქვს

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს