მამუკა ხაზარაძე ფინანსთა მინისტრის მოადგილეს - 8-9 წელი ის დროა, როცა შეგიძლია ეკონომიკური მდგომარეობა რადიკალურად შეცვალო - რაც უფრო შორს მივდივართ, ქვეყანა უფრო ღატაკდება! რამ შეგიშალათ ხელი?!

ხელისუფლებაში ყოფნის რვა-ცხრა წელი ის დროა, როცა შეგიძლია ქვეყნის ეკონომიკური მდგომარეობა რადიკალურად შეცვალო - რაც უფრო შორს მივდივართ, ქვეყანა უფრო ღატაკდება! რამ შეგიშალათ ხელი?! - ამ კითხვით “ლელოს“ ლიდერმა მამუკა ხაზარაძემ ფინანსთა მინისტრის პირველ მოადგილე გიორგი კაკაურიძეს მიმართა, რომელმაც ფრაქციის სხდომაზე 2020 წლის სახელმწიფო ბიუჯეტის შესრულების ანგარიშის წარადგინა.

ხაზარაძის შეფასებით, ხელისუფლება არა აქვს გეგმა და ამბიცია, რომ მობილიზებული იყოს 10-12%-იან ეკონომიკურ ზრდაზე.

„რა გააკეთეთ იმისთვის, რომ სიღარიბის პარამეტრი არა თუ რადიკალურად შეგეცვალათ, არამედ უბრალოდ გაგუმჯობესებინათ?! რაც უფრო შორს მივდივართ, ქვეყანა უფრო ღატაკდება. რამ შეგიშალათ ხელი? - იდეა გქონდათ და ვერ განახორციელეთ? მენეჯმენტი არ გეყოთ? საერთოდ გქონდათ იდეა, თუ როგორ გამოსულიყო ქვეყანა სიღარიბიდან? არ გაქვთ ამბიცია, გეგმა, რომ მთელი ქვეყანა მობილიზებული იყოს 10-12% ზრდაზე. მოსახლეობას პირდაპირ ეუბნებით, რომ ჩვენ სულ ღარიბი ქვეყანა ვიქნებით. 5%-იანი ზრდა იმას ნიშნავს, რომ 50 წლის მერე შეიძლება ბულგარეთის ზომის ეკონომიკა გვქონდეს. აიღეთ ირლანდია, რომელიც 25 წლის წინ ჩვენნაირი გაღატაკებული ქვეყანა იყო. ჩვენნაირი მოცულობის მცხოვრებლებით, უზარმაზარი ემიგრაციით და დღეს ევროკავშირში არის მეორე ეკონომიკა. იქნებ გაემგზავროთ და იმ ადამიანებს ჰკითხოთ, რა გააკეთეს“, - მიმართა ხაზარაძემ გიორგი კაკაურიძეს.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს