მიხეილ ჩხენკელი სასკოლო საზოგადოებას სასწავლო წლის წარმატებით დასრულებას ულოცავს

საქართველოს განათლებისა და მეცნიერების მინისტრი მიხეილ ჩხენკელი სასკოლო საზოგადოებას სასწავლო წლის წარმატებით დასრულებას ულოცავს.

მინისტრი ასევე იმედოვნებს, რომ მომავალ სასწავლო წელს სასწავლო პროცესი საკლასო ოთახებში განახლდება.

„ძვირფასო მოსწავლეებო, მსურს, მოგილოცოთ 2020-2021 სასწავლო წლის წარმატებით დასრულება! ვინაიდან პანდემიამ საგრძნობლად შეცვალა ჩვენი ცხოვრება და დიდი გამოწვევების წინაშე დაგვაყენა, თითოეულ ჩვენგანს მოგვიწია გამკლავება ვირუსის შედეგებთან.

ჩვენ მცდელობა არ დავიშურეთ, რომ პანდემიის პირობებში სასწავლო პროცესი არ შეწყვეტილიყო და ერთობლივი ძალისხმევით ეს მოვახერხეთ. ძალიან მიხარია, რომ, საბოლოოდ, თქვენი საკლასო ოთახებში დაბრუნება შევძელით, მეგობრებისა და მასწავლებლების გარემოცვაში ყოფნა მართლაც ბედნიერებაა.

მინდა მადლობა გადაგიხადოთ გამძლეობისთვის თქვენ და თქვენს მასწავლებლებს, რომლებმაც, დამეთანხმებით, დიდი შრომა გაწიეს, საქმისადმი ერთგულებით და მაღალი პროფესიონალიზმით შეძლეს სასწავლო პროცესის შეუფერხებლად წარმართვა.

იმედი მაქვს, რომ მომავალ სასწავლო წელს ისევ საკლასო ოთახებში შეხვდებით. ჩვენ ყველაფერს გავაკეთებთ, რომ უსაფრთხო გარემოში შეძლოთ სწავლის გაგრძელება.

ხვალიდან საზაფხულო არდადეგები იწყება. მინდა გისურვოთ კარგი და სასიამოვნო დასვენება მეგობრებთან, ოჯახის წევრებთან და ახლობლებთან ერთად!“, - აღნიშნავს მინისტრი.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა