მედეა ჯანიაშვილი - ზაფხულის ტურისტულ სეზონზე ძალიან პოზიტიური მოლოდინი გვაქვს

დღეიდან ზაფხულის ტურისტული სეზონი ოფიციალურად გაიხსნა, აჭარის შავიზღვისპირეთი ტურისტების მოლოდინშია. ტურიზმის ეროვნული ადმინისტრაციის ხელმძღვანელის მოვალეობის შემსრულებელი მედეა ჯანიაშვილი აცხადებს, რომ მოლოდინები პოზიტიურია და მნიშვნელოვანია ტურისტების მიღება რეგულაციებს სრული დაცვით მოხდეს.

„დღეიდან ოფიციალურად გაიხსნა ზაფხულის ტურისტული სეზონი, მოლოდინი ძალიან პოზიტიური და მაღალი გვაქვს. იქედან გამომდინარე, თუკი არსებულ ვითარებას დავაკვირდებით იგივე ბათუმის საერთაშორისო აეროპორტთან მიმართებაში კვირაში 60-მდე რეისი სრულდება და მათ შორის ჩვენი მეზობელი ქვეყნებიდან პირდაპირი წვდომა აქვს ისეთ ქვეყნებს როგორებიცაა: უკრაინა, ყაზახეთი, ისრაელი, საუდის არაბეთი. რომელიც იმავდროულად ჩვენს მიზნობრივ ბაზრებს წარმოადგენს. გარდა ამისა ამ ბაზრებზე აქტიურ მარკეტინგულ კამპანიებს ვეწევით. ასევე მნიშვნელოვანია შიდა ტურისტული ნაკადის წილიც.თუმცა აუცილებლად უნდა აღინიშნოს, რომ ძალიან ფრთხილები ვართ და თანმიმდევრულები იგივე ეპიდემიოლოგიური ვითარების დადებითობის შენარჩუნების კუთხით. მნიშვნელოვანია, რომ სეზონზე ყველამ დაიცვას არსებული რეგულაციები და წესები, რომელიც ქვეყანას აქვს ტურისტებთან მიმართებაში. ჩვენ ძალისხმევას არ ვიშურებთ მარკეტინგული აქტივობების განხორციელების კუთხით, მეორე მხრივ პოზიტიური მოლოდინები გაქვს, რომ ძალიან სწრაფად აღდგეს ტურისტული ნაკადები ქვეყანაში", -აცხადებს მედეა ჯანიაშვილი.

ტურიზმის ეროვნული ადმინისტრაციის ხელმძღვანელის მოვალეობის შემსრულებელი განმარტავს, რომ 2019 წლის მაჩვენებლებთან გათანაბრებას ქვეყანა 2023 წლისთვის მოახერხებს.

"2019 წლის მონაცემებს რაც შეეხება, 2019 წელი ტურიზმის მხრივ უპრეცენდენტო იყო, ძალიან მნიშვნელოვანი მატება იყო და შესაბამისად, სრულად აღდგენას ვპროგნოზირებთ 2023 წლისთვის. თუმცა მანამდე მაჩვენებლებთან მიახლოება მოხდება", - განმარტავს ჯანიაშვილი.

როგორც ცნობილია, 1-ელი ივნისიდან საქართველომ საზღვრები გახსნა და მეზობელი ქვეყნებიდან საქართველოში შემოსვლა ვიზიტორებს სახმელეთო გზითაც შეუძლიათ. თუმცა საზღვრების გახსნიდან 15 დღეა გასული და შესაბამისად, ტურიზმის ეროვნულ ადმინისტრაციაში ტურისტების შემოდინების კუთხით, ივნისის სტატისტიკის გამოქვეყნებამდე, ზუსტი ეფექტის დანახვა უჭირთ.

"გასულ წელს თუ შევადარებთ მატება 300%-ზე მეტია, თუმცა 1-ლი ივნისიდან ანუ სახმელეთო საზღვრების გახსნიდან ყოველდღიურ ტენდენციას ვაკვირდებით. უახლოესი პერიოდი გვაქვს იმისათვის, რომ რაღაც კონკრეტული მაჩვენებელი დავდოთ. მნიშვნელოვანია იგივე ივნისის თვეს შევხედოთ, რათა მატების მაჩვენებელი თვალნათლივ დავინახოთ", - ამბობს ჯანიაშვილი.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!