ვახტანგ შაქარიშვილი „ნაციონალურ მოძრაობას“ - „ქართულ ოცნებაში“ არ შეგეშალოთ, მე ფერებას არ დაგიწყებთ!

თბილისის საკრებულოს სხდომაზე, საკრებულოს დამოუკიდებელი წევრი ვახტანგ შაქარიშვილი „ნაციონალური მოძრაობის“ წევრების საკრებულოში დაბრუნებას გამოეხმაურა და განაცხადა, რომ „ნაციონალურ მოძრაობას“ საკრებულოს საქმიანობაზე, თბილისსა და თბილისის ბიუჯეტზე ლაპარაკის მორალური უფლება არ აქვს.

მისივე თქმით, ამ პარტიის წევრები სამი წლის განმავლობაში ყველანაირ ანტისახელმწიფოებრივ საქმიანობას ეწეოდნენ, ნაცვლად იმისა, რომ ხალხის მიერ მინიჭებული მანდატით დაკისრებული მოვალეობები შეესრულებინათ. შაქარიშვილის კომენტარს დედაქალაქის საკრებულო ავრცელებს.

„რა მორალური უფლებით ლაპარაკობთ საკრებულოს საქმიანობაზე, თბილისზე, თბილისის ბიუჯეტზე თუ სხვა ნებისმიერ საკითხზე. სამი წელი თბილისის საკრებულოს გარდა, ყველგან დარბოდით, ხან ცესკო-ში მოლოტოვის კოქტეილებს ესროდით, ხან პარლამენტში იჭრებოდით, ხან ბოქლომებს ადებდით და ხან ბორკილებს. ნაცვლად იმ მანდატისა და იმ მოვალეობისა, რაც გეკისრებოდათ, ყველაფერს აკეთებდით. ამაში კი, სამწუხაროდ იღებდით ანაზღაურებას, თბილისელების ფულს. თქვენი აპარატები, თქვენი მანქანები, საწვავი, აპარატის თანამშრომლები, რომლებსაც ხან ერთ მიტინგზე იჭერდნენ, ზოგი პოლიციელს კბენდა, ზოგი თავში ურტყამდა და ამ ხალხს თბილისელების ბიუჯეტიდან ვუხდით ფულს, რომ იმუშაონ რევოლუციურ რეჟიმში და იმუშაონ ქალაქის და სახელმწიფოს საწინააღმდეგოდ“,- განაცხადა ვახტანგ შაქარიშვილმა.

საკრებულოს დამოუკიდებელი წევრის განცხადებით, ის „ნაციონალური მოძრაობის“ წევრებს არ მიიჩნევს კოლეგებად. მისივე თქმით, ბოლო დროს „ქართულ ოცნებასა“ და „ნაციონალურ მოძრაობას“ შორის კოჰაბიტაცია ახალ მახინჯ ფორმას იძენს, რაშიც ხელისუფლების გადაბარების ელფერს ხედავს.

„მე თქვენ არც კოლეგებად გაღიარებთ, არც პარტიად, არც პოლიტიკოსებად. თქვენ იყავით ხელისუფლებაში ყოფნის დროს დამაქცევრები, ოპოზიციაში ყოფნის დროს კი ერთადერთი სურვილით შეპყრობილი, რომ რამენაირად დაიბრუნოთ ძალაუფლება ადგილობრივ თუ ცენტრალურ დონეზე. თქვენ ალბათ რიგითი ჭანჭიკები, ხელის ბიჭები და ხელის გოგონები იქნებოდით, მაშინ როდესაც თქვენი ხელმძღვანელები ამ ქალაქს ამახინჯებდნენ, ადამიანებს ბიზნესს ართმევდნენ, ქუჩაში ხალხს ხვრეტდნენ. თქვენ ამას ან „აპრავებდით“ ან ხშირ შემთხვევაში ამის შემოქმედები იყავით. ნუ დაიწყებს აქ ქალაქის საქმიანობაზე, ბიუჯეტზე და რეგლამენტზე ლაპარაკს. თქვენ ამის მორალური უფლება არ გაქვთ.

და თუ „ქართული ოცნება“ ამის საშუალებას მოგცემთ, აქ არიან ადამიანები, რომლებიც ამის საშუალებას არ მოგცემთ და ლაქუცს არ დაგიწყებთ, როგორი ლაქუციც ჩვენ ვიხილეთ გაბუნია-კობახიძის სახით, თითქოს მშვიდობაა და ნორმალურ ტელევიზიაში იმყოფებოდა „ქართული ოცნების“ ლიდერი. კოჰაბიტაცია ახალ მახინჯ ფორმას იძენს და მე მგონი, ხელისუფლების გადაბარების ელფერი აქვს ამ ყველაფერს. ალბათ თქვენც გრძნობთ და ამან გიკარნახათ საკრებულოში შემოსვლა, წინააღმდეგ შემთხვევაში ცხადია, რომ თქვენ ქალაქისთვის არც სასიკეთო და არც რეალური პრობლემები არ გაინტერესებთ“,- განაცხადა ვახტანგ შაქარიშვილმა.

მან „ნაციონალური მოძრაობის“ წევრებს მოუწოდა დაბრუნდნენ იქ, სადაც, მისი თქმით, ამ პარტიის ადგილია - ქუჩაში და დესტრუქციაში. მისივე განცხადებით, თუკი „ქართული ოცნება“ არ გასცემს ამ პარტიის წევრებს ადეკვატურ პასუხს, მოიძებნებიან ღირსეული ადამიანები, ვინც ამას გააკეთებს.

„არანაირი მორალური უფლება არ გაქვთ, თქვენ საერთოდ რამეზე ილაპარაკოთ. თუ ადეკვატურ პასუხს არ მიიღებთ „ქართული ოცნებისგან“, აქ არიან ღირსეული ადამიანები, ვინც პასუხს გაგცემთ. მოველი ასევე, ადეკვატურ პასუხს ჩემი კოლეგებისგან უმრავლესობიდან, რადგან ბოლო პერიოდში სიამტკბილობაში გადაიზარდა „ქართული ოცნების“ და „ნაციონალური მოძრაობის“ ურთიერთობა პარლამენტში იქნება ეს, საკრებულოში, მედიებში, დანაშაულებრივ ტელევიზიებში თუ ასე შემდეგ. ასე რომ, გავცეთ მათ ერთხელ და სამუდამოდ საკადრისი პასუხი. დაიღალა ხალხი და დავიღალეთ ყველა მათი უსაგნო ლაპარაკის მოსმენით“, - განაცხადა ვახტანგ შაქარიშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა