გენდერული თანასწორობის საბჭოს რეკომენდაციების გათვალისწინებით სოფლად მცხოვრებ ქალებზე მორგებული პროგრამა შეიქმნება

„გენდერული თანასწორობის საბჭოს მიერ გაცემული რეკომენდაცია, რომ სოფლის განვითარების სააგენტომ, ქალებზე მორგებული, თუნდაც მცირებიუჯეტიანი პროგრამა გააკეთოს, უკვე რეალობად იქცევა, - განაცხადა გენდერული თანასწორობის საბჭოს თავმჯდომარემ, ნინო წილოსანმა.

პარლამენტის პრესსამსახურის ცნობით, სოფლის განვითარების სააგენტოსა და გაეროს ქალთა ორგანიზაციის წარმომადგენლებთან პარლამენტში გამართულ შეხვედრაზე ცალკე მდგომი გენდერული პროგრამის შემუშავების საკითხი განიხილეს.

მათი ინფორმაციით, პროექტი ითვალისწინებს საპილოტე მუნიციპალიტეტებში სასათბურე მეურნეობების შექმნას, რაც სოფლად მცხოვრებ ქალებს წაახალისებს გახდნენ მეწარმეები და შექმნან საკუთარი სათბურები.

„პროექტის მიზანია ქალების ეკონომიკური გაძლიერება, რაც გენდერული თანასწორობის საბჭოს ქალთა ეკონომიკური გაძლიერების ხედვის ერთ-ერთი ნაწილია. გენდერული თანასწორობის საბჭოს რეკომენდაციები ითვალისწინებდა წარმატებული ბენეფიციარი ქალების ქსელის შექმნას და მათი, როგორც მენტორების პროგრამებში ჩართვას და ასევე, სააგენტოების მიერ საპილოტე მცირემასშტაბიანი პროგრამების შექმნას მხოლოდ ქალებისათვის. რეკომენდაციები, რომლის საფუძველზეც პროგრამა მომზადდება, შემუშავდა გენდერული თანასწორობის საბჭოს ინიციატივით ჩატარებული თემატური მოკვლევის ფარგლებში თემაზე: „სახელმწიფო ეკონომიკურ პროგრამებში ქალთა მონაწილეობა“,-აღნიშნულია ინფორმაციაში.

„ვთვლით, რომ სპეციალურად ქალების საჭიროებებზე და ქალების შესაძლებლობებზე მორგებული ეს პროგრამა ნამდვილად შეუწყობს ხელს სოფლად მცხოვრები ქალების ეკონომიკურ გაძლიერებას“, - აღნიშნა ნინო წილოსანმა.

მისი თქმით, პროგრამის ძირითადი დონორი გაეროს ქალთა ორგანიზაცია იქნება, თუმცა დაფინანსებაში სახელმწიფოს თანამონაწილეობაც არის განსაზღვრული.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა