მწერალთა სახლში წიგნის „მარო თარხნიშვილი – 130“ პრეზენტაცია გაიმართა

მწერალთა სახლის ღია სივრცეში წიგნის „მარო თარხნიშვილი – 130“ პრეზენტაცია შედგა. წიგნი ფონდ „ქართული გალობისა“ და საქართველოს ფოლკლორის სახელმწიფო ცენტრის გამოცემაა. ღონისძიებაზე შესრულდა ქართული ხალხური და კომპოზიტორ მარიკო კვალიაშვილის საავტორო სიმღერები.

ღონისძიებაში მონაწილეობდნენ: ანსამბლი „ბასიანი“, „შილდა“, გალობის უნივერსიტეტის გუნდი, გიორგი მეფისაშვილი, აჩიკო ბერიძე, ანსამბლი „ქართველები“, თინა მეითოვა, ნათია ქოროღლიშვილი.

ამ გამოცემას განსაკუთრებული მნიშვნელობა აქვს, რადგან ალბომი ეძღვნება მარო თარხნიშვილს – შემსრულებელს, რომლის ხმაც, ქალების საუკუნედ წოდებულ XX საუკუნეში, ქართველი ქალის ღირსების და საზოგადოებაში მისი ძლიერი როლის სიმბოლოდ იქცა. რკინის ფარდის მიღმა მოქცეულ საბჭოთა საქართველოში მარო თარხნიშვილის საოცარ შესრულებას თავისუფლების სული არასოდეს დაუკარგავს. ქართული ტრადიციული მუსიკის სასცენო შემსრულებლობაში სწორედ ქალბატონმა მარომ შექმნა ის გამორჩეული სტილი, რაც დღემდე ოსტატობის აბსოლუტია.

ფონდი „ქართული გალობა“ თითქმის ათი წელია საინტერესო პროექტებით ქმნის წარმატების ისტორიას. ფონდის ძირითადი საქმიანობა ქართული ტრადიციული მუსიკის საგანძურის შენარჩუნება და მისი ფართოდ გავრცელებაა. ფონდი 2012 წელს უწმინდესისა და უნეტარესის, სრულიად საქართველოს კათოლიკოს პატრიარქის, ილია II-ის ლოცვა-კურთხევით ბიზნესმენმა და მეცენატმა, ვანო ჩხარტიშვილმა დააარსა. ფონდი მიზნად ისახავს ქართული გალობა-სიმღერისა და ტრადიციული ხელოვნების სხვა დარგების თანადგომას, მათი განვითარება-პოპულარიზაციისა და მეცნიერული კვლევების ხელშეწყობას, ამ სფეროში ახალგაზრდობის უფრო მეტი ჩართულობისათვის სტიმულის მიცემას.

(R)

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა