თენგიზ ცერცვაძის განცხადებით, კორონავირუსის მეოთხე ტალღა, სავარაუდოდ, აგვისტოს ბოლოს, სექტემბრის დასაწყისში არის მოსალოდნელი

ინფექციური საავადმყოფოს გენერალური დირექტორის თენგიზ ცერცვაძის განცხადებით, კორონავირუსის მეოთხე ტალღა, სავარაუდოდ, აგვისტოს ბოლოს, სექტემბრის დასაწყისში არის მოსალოდნელი.

მისივე თქმით, მეოთხე ტალღა იქნება თუ არა საქართველოში, დამოკიდებულია შეასრულებს თუ არა მოსახლეობა რეგულაციებს.

„საქართველო ის ქვეყანაა, სადაც პრაქტიკულად ყველა შეზღუდვა მოიხსნა, გარდა „კომენდანტის საათისა“. ზედმეტი არ უნდა მოგვივიდეს, კი ბატონო, მოვხსნით ყველა შეზღუდვას, კი ბატონო, უნდა მოვხსნათ, ადამიანები შეწუხდნენ, ეკონომიკა უნდა გაიხსნას და დავუბრუნდეთ ნორმალურ ცხოვრებას, ეს აუცილებელია.

კლინიკური სექტორი სრულად მზად არის ის ცალკეული შემთხვევები, რომელიც ამ შეზღუდვების მოხსნის შემდეგ იქნება, ისე მართოს, რომ სიკვდილიანობა იყოს მინიმალური. პაციენტების ნაკადების მართვა ახლაც საათივით არის აწყობილი, მაგრამ მეოთხე ტალღა იქნება თუ არა ჩვენთან, მთლიანად დამოკიდებულია შეასრულებს თუ არა მოსახლეობა რეგულაციებს“, - განაცხადა ცერცვაძემ.

კითხვაზე, დააჩქარებს თუ არა „ინდური შტამი“ მეოთხე ტალღას, ცერცვაძე პასუხობს, რომ „თუ ის გავრცელდა, შესაძლოა, ხელი შეუწყოს“.

ამასთან, თენგიზ ცერცვაძემ აღნიშნა, რომ თუ შემთხვევების და გარდაცვალების რაოდენობა მინიმუმამდე შემცირდა, შესაძლებელია ღია სივრცეში პირბადის ტარება შემსუბუქდეს.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის