თენგიზ ცერცვაძე - „გილიადმა“ 10 000 კოლოფი „რემდესივირის“ მოწოდების გადაწყვეტილება მიიღო, რომელიც დღეს ან ხვალ უნდა ჩამოვიდეს

ინფექციური საავადმყოფოს დირექტორის თენგიზ ცერცვაძის განცხადებით, 10 000 კოლოფი „რემდესივირი“ საქართველოში მომავალი ორი დღის განმავლობაში შემოვა. როგორც მან ჟურნალისტებთან განმარტა, კომპანია „გილიადმა“ გამონაკლისის სახით მიიღო გადაწყვეტილება, საქართველოსთვის ამერიკული წარმოების მედიკამენტი მოეწოდებინა.

„კომპანია „გილიადმა“ გამონაკლისის სახით 10 000 კოლოფი „რემდესივირის“ თანაც არა ინდური წარმოების, არამედ ამერიკული წარმოების, ორიგინალის მოწოდების გადაწყვეტილება მიიღო. რამდენადაც ვიცი, ის გუშინ გამოიგზავნა ამერიკიდან და დღეს ან ხვალ უნდა ჩამოვიდეს. ეს არის უპრეცედენტო შემთხვევა. ჩვენ გვქონდა 4000 კოლოფი „რემდესივირი“ ადრე შემოტანილი, რომელიც ძალიან დიდი წარმატებით იყო გამოყენებული. ყველა კლინიკა, ვინც იყენებდა „რემდესივირს“ ერთხმად აღნიშნავს, რომ ის იყო ადრეულ სტადიაზე გამოყენებული და არა უკვე რეანიმაციაში მოხვედრილ და არა ინტუბირებულ ავადმყოფებზე და ის ცალსახად ამცირებდა დაავადების დამძიმების რისკებს, ამცირებდა ჰოსპიტალიზაციის დროს და საერთოდ, ის დადებითად მოქმედებდა დაავადების მიმდინარეობაზე. სამწუხაროდ, ვაი ექსპერტების გავლენის ქვეშ, ვინც კატეგორიულად ეწინააღმდეგებოდნენ „რემდესივირის“ შემოტანა, რჩებიან ნაწილი ექიმების და კლინიკების. მხოლოდ 27 კლინიკა იყენებდა „რემდესივირის“ იმ პარტიას, რომელიც იყო შემოტანილი, რაც მიმაჩნია, რომ იყო სერიოზული შეცდომა და ხელს არ უწყობდა მკურნალობისა და გამოსავლების ოპტიმიზაციას. იმ კლინიკებში, სადაც „რემდესივირი“ გამოიყენებოდა, გაცილებით უფრო მეტად იყო გამოხატული პოზიტიური შედეგები“, - განაცხადა ცერცვაძე.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!