ინტელექტუალური საკუთრების უფლებების აღსრულების შესახებ ფორუმის ფარგლებში, მოსამართლეების მონაწილეობით მრგვალი მაგიდა გაიმართა

საქართველოში ინტელექტუალური საკუთრების უფლებების აღსრულების შესახებ ფორუმის მესამე დღე მოსამართლეებსა და ინტელექტუალური საკუთრების უფლებების დარღვევებთან დაკავშირებული სასამართლო საქმეების განხილვას დაეთმო. ამის შესახებ ინფორმაციას "საქპატენტი" ავრცელებს.

ფორუმი საქპატენტისა და ევროკავშირის ინტელექტუალური საკუთრების უწყების (EUIPO) ორგანიზებითა და ევროკავშირის მიერ დაფინანსებული - "ინტელექტუალური საკუთრების შესახებ ევროკავშირისა და საქართველოს ერთობლივი პროექტის“ (EUGIPP) ფარგლებში გაიმართა.

ღონისძიება საქართველოს ინტელექტუალური საკუთრების ეროვნული ცენტრის-საქპატენტის თავმჯდომარის მოადგილემ ნინო ჩიქოვანმა და საქართველოში ევროკავშირის წარმომადგენლობის თანამშრომლობის სექციის უფროსის მოადგილემ კატალინ გერმანმა გახსნეს . შეხვედრაში საქპატენტისა და იუსტიციის უმაღლესი სკოლის თანამშრომლობის ფარგლებში, თბილისის საქალაქო სასამართლოს სისხლის, სამოქალაქო და ადმინისტრაციულ საქმეთა კოლეგიის 20-მა მოსამართლემ მიიღო მონაწილეობა.

ფორუმის ფარგლებში ევროპელმა და ქართველმა მოსამართლეებმა , ინტელექტუალურ საკუთრებასთან დაკავშირებული ქართული სასამართლო პრაქტიკა და სამართლებრივი პრეცედენტები განიხილეს.

გარდა ამისა, ქართველ მოსამართლეებს სასაქონლო ნიშნების, დიზაინებისა და საავტორო უფლებების შესახებ მნიშვნელოვანი სასამართლო და სააპელაციო გადაწყვეტილებების კრებულთან დაკავშირებით მიეწოდათ ინფორმაცია, რომლის გამოცემა პროექტის (EUGIPP) ფარგლებში იგეგმება. კრებულში ევროპის მართლმსაჯულების სასამართლოს (ECJ) ევროპის საერთო სასამართლოს (GC), EUIPO-ს სააპელაციო პალატისა და საქართველოს სასამართლოების მიერ გამოტანილი მნიშვნელოვანი გადაწყვეტილებები შევა.

ფორუმის მიზანია ინტელექტუალური საკუთრების უფლებების აღსრულებასთან დაკავშირებით, საქართველოში სასამართლო პრაქტიკისა და ადმინისტრაციულ/სამართლებირივი პროცედურების ევროკავშირის სტანდარტებთან დაახლოება. ასევე ქართველი მოსამართლეებისათვის ევროკავშირის სასამართლოების პრაქტიკაში არსებული მიდგომების შესახებ ინფორმაციის გაზიარება, რაც ევროკავშირის ინტელექტუალური საკუთრების უწყების სააპელაციო პალატის წევრებსა და ქართველ მოსამართლეებს შორის ცოდნისა და ინფორმაციის გაცვლით მიიღწევა.

ფორუმი 3 დღის განმავლობაში მიმდინარეობდა და მასში საქპატენტის, ევროკავშირის, ფინანსთა სამინისტროს, საქართველოს პროკურატურის , კერძო სექტორის წარმომადგენლები და მოსამართლეები მონაწილეობდნენ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!