საპენსიო თემასთან დაკავშირებით ''ლიბერთი ბანკის'' წარმომადგენლებთან პარლამენტში მორიგი შეხვედრა გამართა. ინფორმაციას საქართველოს პარლამენტი ავრცელებს.
პარლამენტის თავმჯდომარესთან, კახა კუჭავასთან გამართულ შეხვედრაზე განხილვის მთავარი თემა პენსიონრებისთვის უფრო ხელსაყრელი და მოქნილი პირობების შექმნა იყო. შეხვედრაზე მხარეებმა საპროცენტო განაკვეთის შემცირების საკითხზე ისაუბრეს.
შეხვედრას ვიცე-სპიკერი ლევან იოსელიანი, საპარლამენტო უმრავლესობის წევრი, ირაკლი ზარქუა, „ლიბერთი ბანკის" გენერალური დირექტორი ვასილ ხოდელი, ფინანსთა სამინისტროსა და ეროვნული ბანკის წარმომადგენლები ესწრებოდნენ.