იუსტიციის უმაღლესმა საბჭომ მოსამართლეობის 9 კანდიდატი შეარჩია. სხდომაზე მხარი უკვე დაუჭირეს უზენაესი სასამართლოს მოსამართლეობის 9 კანდიდატის - გიორგი გოგიაშვილის, გოჩა აბუსერიძის, ლევან თევზაძის, ქეთევან მესხიშვილის, გიორგი შავლიაშვილის, რევაზ ნადარაიას, ბიძინა სტურუას, ეკა ზარნაძის და ლაშა ქოჩიაშვილის პარლამენტში წარდგენას. ყველა მათგანი ხმათა უმრავლესობით გავიდა.
ცნობისთვის, დღევანდელ სხდომაზე იუსტიციის უმაღლესი საბჭო ჯამში 100-ზე მეტ მოსამართლის ვაკანსიასთან დაკავშირებით მიიღებს გადაწყვეტილებას. უფრო კონკრეტულად, საუბარია უზენაესი სასამართლოს მოსამართლეობის 9 კანდიდატის წარდგენასთან, 88 კანდიდატის ქვედა ინსტანციაში დანიშვნასა და 8 კანდიდატის ქვედა ინსტანციაში გადაყვანასთან დაკავშირებით.