31 ოქტომბრის საპარლამენტო არჩევნების შემსწავლელი საგამოძიებო კომისია დღევანდელ სხდომაზე არასამთავრობო ორგანიზაციების წარმომადგენლებს მოუსმენს.
ახსნა-განმარტებების მისაღებად, სხდომაზე მიწვეული არიან “ახალგაზრდა იურისტთა ასოციაციის“, “სამართლიანი არჩევნების“, “საერთაშორისო გამჭვირვალობისა“ და “მრავალეროვანი საქართველოს“ წარმომადგენლები.
ასევე დღევანდელ სხდომაზე პარლამენტის დროებითი საგამოძიებო კომისია ერთ-ერთი პრობლემური - მარნეულის N13.22.89 საუბნო საარჩევნო კომისიის წევრებსა და საოლქო საარჩევნო კომისიის თავმჯდომარეს მოუსმენს.
21 ივნისს კი, საგამოძიებო კომისია პარლამენტში ცესკოს თავმჯდომარეს და მიმდინარე საგამოძიებო საქმეებთან დაკავშირებით, პროკურატურის წარმომადგენლებს ელის.